پاکستان کې د افغان کډوالو د نیول کېدو او له دغه هېواده د شړلو بهیر په چټکېدو سره، "د پناه غوښتونکو لپاره د ګډ اقدام کمېټې" په نوم د افغان کډوالو د حقونو يوې ملاتړې ډلې ویلي، د پاکستان پولیسو لږ تر لږه ۱۹۰ افغانان د دې هېواد په پلازمېنه اسلاماباد کې نیولي دي.
په ننګرهار کې بېسرپرستې او بېوسه مېرمنې وايي، غربت او اقتصادي ستونزو دومره سرګردانه کړي، چې نه له خپلو حقوقو خبرې دي او نه هم د ښځو له نړیوالې ورځې.
د روغتیا نړیوال سازمان (ډبلیو اچ او) او همکارې ادارې یې، د روغتیا نړیوال کلسټر، چې د څو نړیوالو سازمانونو جوړه شبکه ده، وايي چې د امریکا د بهرنیو مرستو بندیدو په تېرو لسو ورځو کې د افغانستان په ۲۵ ولایتونو کې د ۱۶۷ روغتیايي مرکزونو فعالیتونه ځنډولي یا هم تړلي دي.
د سوریې د جګړې د څار سازمان نن د جمعې په ورځ خبر ورکړی چې د نوې حکومت د امنیتي ځواکونو او د پخواني رژیم د وفادارو وسلوالو ترمنځ نښتو کې ۷۰ کسان وژل شوي دي. دا نښتې د سوریې په ساحلي سیمو کې شوې، هغه سیمې چې د مرکزي حکومت له کنټرول څخه بهر وې.
یو شمېر افغان مېرمنو، د ښځو د حقونو فعالانو او بېلابېلو معترضو خوځښتونو د مارچ د اتمې، د ښځو نړیوالې ورځې په مناسبت، د افغانستان دننه او بهر د حق غوښتنې اعتراضونه پیل کړي دي.
د خوړو نړیوال پروګرام (WFP) خبرداری ورکړی که د افغانستان او پاکستان ترمنځ تورخم لار همداسې تړلې پاتې شي، د خوراکي توکو بیې به نورې هم لوړې شي.
تورخم کې د طالبانو او پاکستاني ځواکونو ترمنځ جګړه تر نن ( پنجشنبې) سهار وختي پورې هم روانه وه.ځایي اوسېدونکي وایي، الوتکې هم ګرځېدلې.
د ملګرو ملتونو سرمنشي انتونیو ګوتریش ویلي، چې د طالبانو مشر ملا هبتالله خپل واک پراخ کړی دی.
د پاکستان د بهرنیو چارو وزارت د چهارشنبې په ورځ ناوخته (د مارچ ۵مه) په یوه خبرپاڼه کې تأیید کړې چې د سهشنبې په ورځ د پاکستان د صدراعظم مرستیال او د بهرنیو چارو وزیر، اسحاق ډار، او د امریکا د ولسمشر ډونالډ ټرمپ د ملي امنیت سلاکار مایک والتز ترمنځ ټیلیفوني خبرې شوي دي.
ټاکل شوې چې د امریکا ولسمشر ډونالډ ټرمپ امریکا ته د افغانستان، پاکستان او یو شمېر نورو هېوادونو د وګړو پر سفر بندیز ولګوي.
د امریکا ولسمشر ډونالډ ټرمپ ګواښ کړی که پاتې اسراییلي یرغمل خوشې نه شي، نو ډېرې بدې پایلې به ولري او د حماس افراطي ډلې مشرانو ته یې د تېښتې لپاره ضرب الاجل ټاکلی دی.
نور راوښيه
