د کندهار د انارو د بڼوالو په خبره وچکالۍ، سېلابونو او بېلابېلو مرضونو یې سږ کال حاصلات کم کړي دي. کندهار په افغانستان کې د انارو له پلوه مهم ولایت بلل کېږي او مشهور انار لري، خو د دغه ولایت د کرنې ریاست د معلوماتو له مخې په وروستیو کې سختې وچکالۍ د انارو حاصلات زیانمن کړي دي.
په افغانستان کې خامه سړکونو په ډېرو سیمو کې د خلکو اقتصادي ودې ته زیان رسولی او ورځنی ژوند یې ورته سخت کړی. د طالبانو تر واک لاندې د احصایې او معلوماتو اداره وايي، د دغه هېواد له ۹۲ سلنې ډېر سړکونه خامه دي. د ودانیزو چارو پوهان وايي، که د سړکونو بیارغونې ته پام ونهشي، شته سړکونه هم له منځه ځي.
د سوداګرۍ او پانګونې خونې پرون شنبه په یوه خبرپاڼه کې ویلي چې غواړې افغانستان کې د سرطان یو خیریه روغتون جوړ کړي؛ په خبرپاڼه کې وړاندې ویل شوي، دغه روغتون به په لومړي پړاو کې ۱۰۰ بستره ولري او په ځانګړي ډول به د بېوزلو ناروغانو د سرطان د تشخیص او درملنې لپاره کارول کېږي
په افغانستان کې یو شمېر عام خلک او سوداګر وایي، د بانکي خدمتونو د محدودیتونو، د پیسو د ترلاسه کولو د ځنډ، د اسعارو د ستونزو او اداري خنډونو له امله د پیسو د لېږد او راکړې ورکړې لپاره تر ډېره حواله او صرافي کاروي.
د طالبانو د حکومت له لوري په کابل کې د ټرافیکو د عمومي ریاست د نوم بدلون په ټولنیزو رسنیو کې پراخ غبرګونونه راپارولي دي.
په وروستیو کې له پاکستانه افغانستان ته راستانه شوې یو شمېر کورنۍ وایي، د طالبانو له خوا د نجونو پر زده کړو بندیز د دوی د لوڼو د راتلونکې په اړه اندېښمن کړي دي. ځینې کورنۍ وایي، لوڼو یې په پاکستان کې زده کړې کولې، خو افغانستان ته له ستنېدو وروسته له دې وېره لري چې د هغوی زده کړې به نیمګړې پاتې شي.
له زده کړو یو شمېر راګرځول شوې افغان نجونې وایي، د دې لپاره چې له زده کړو سره خپله اړیکه وساتي او بوختې پاتې شي، د غیررسمي ښوونکو په توګه یې نورو ماشومانو ته د درس ورکولو لړۍ پیل کړې ده.
د ملګرو ملتونو یو راپور وايي، په افغانستان کې د خوراکي توکو د انفلاسیون کچه ۸.۲ سلنې ته رسېدلې او په ځینو سوداګریزو لارو کې خنډونو هم اقتصادي فشارونه زیات کړي، چې افغان کورنیو ته یې سرخوږی جوړ کړی.
نور راوښيه
