یو شمېر افغان ځوانان وايي، بېکاري، بېوزلي، کورني فشارونه او د راتلونکي په اړه بېباوري د دوی پر رواني وضعیت اغېز کړی او ځینې یې د «تابلېت کا» په نوم ګولیو کارولو ته مخه کړې ده. ډاکټران خبرداری ورکوي چې د دغو ګولیو دوامداره کارول روږديتوب او جدي رواني او عصبي ستونزې رامنځته کولای شي.
د افغانستان لپاره د ملګرو ملتونو د بشري حقونو ځانګړي راپور ورکوونکي ریچارډ بېنېټ په یوه نوي راپور کې خبرداری ورکړی چې د طالبانو تر واک لاندې د دیني مدرسو پراختیا ښايي د افغانستان ټولنیز جوړښت په دایمي ډول بدل او د دغه هېواد د زدهکړو روان بحران لا ژور کړي.
په افغانستان کې د بهرنیو هېوادونو د ویزو ترلاسه کول تر پخوا ستونزمن شوي، خو ورسره د تحصیلي ویزو د خدماتو وړاندې کوونکو شرکتونو شمېر هم زیات شوی دی. ځینې محصلان وایي د دغو شرکتونو له لارې یې ویزې ترلاسه کړې، خو نور بیا ادعا کوي چې د پیسو له ورکړې سره سره یې غوښتنې بېپایلې پاتې شوې دي.
د طالبانو حکومت د سوالګرو د راټولولو د نوي پړاو د پیل خبر ورکوي، خو یو شمېر کابل ښاریان وايي په واټونو، بازارونو او کوڅو کې لا هم ګڼ سوالګر لیدل کېږي. ځینې سوالګر بېوزلي او بېکاري د سوال کولو اصلي لاملونه بولي.
د مني او سړې هوا له رانږدې کېدو سره، یو شمېر افغانې کورنۍ چې د جګړو او زلزلو له امله بېځایه شوې دي، وايي د اقتصادي ستونزو له کبله د ژمي لپاره د چمتووالي توان نه لري. دوی د مناسبې سرپناه، سون توکو او عاید له نشتوالي شکایت کوي او وايي ماشومان او ناروغان یې لا له اوسه د سړې هوا له اغېزو سره مخ دي.
له پاکستان څخه یو شمېر په زوره ایستل شوي او افغانستان ته استول شوي افغان کډوال وايي چې شتمنۍ او د کور وسایل ورڅخه پاتې شوي دي.
د افغانستان د بیلابیلو ولایتونو یو شمېر اوسېدونکي وايي د دوی په سیمو کې د انټرنیټ کیفیت تر پخوا لا ډېر کمزوری شوی دی. دوی وايي مخابراتي شبکو ته د انټرنیټ لپاره لوړ میاشتني فیسونه ورکوي خو د انټرنیټ ټیټ کیفیت د دوی ستونزې نه شي حل کولای.
وروسته له هغې چې طالبانو د ښځو پر کار او ټولنیز حضور پراخ محدودیتونه ولګول، یو شمېر افغان ښځو د خپل اقتصادي فعالیت د دوام لپاره انلاین سوداګرۍ ته مخه کړې ده.
نور راوښيه
