د ملګرو ملتونو د بشري حقونو لوی کمېشنر، فولکر تورک، په یوه اعلامیه کې په ایران کې د اعتراضونو په ترڅ کې له تاوتریخوالي د کار اخیستو او په ټول هېواد کې د انټرنیټ د پرې کېدو په اړه ژوره اندېښنه څرګنده کړه.
په ایران کې پرون د مظاهرو د پراخوالي له راپورونو سره همهاله په تهران او یوشمېر نورو سیمو کې انټرنیټ پرې شو. د مظاهره چیانو د ځپلو له کبله د امریکا ولسمشر ډونالډ ټرمپ یوځل بیا ایراني چارواکو ته خبرداری ورکړی دی.
په ترکیه کې مېشت یو شمېر افغان کډوال وایي، په وروستیو میاشتو کې د پولیسو له لوري د دوی د نیولو او توقیف پېښې زیاتې شوې دي. د دوی په خبره دوی نه شي کولای چې د کار او ورځنیو اړتیاوو لپاره له کورونو ووځي.
په ایران کې وروستي لاریونونه، په دې هیواد کې میشت یو شمېر افغان کډوالو وايي د دغه لاریونونو له امله له ګڼو محدودیتونو سره مخ شوي او هره شېبه د خپل وضعیت په اړه اندېښمن دي. یو شمېر افغان کډوال چې د ایران په پلازمېنه تهران کې ژوند کوي، وایي وضعیت یې دومره خراب شوی چې نه شي کولای له کورونو بهر ووځي .
وروسته لدې چې ریاض متحدو عربي اماراتو ته ۲۴ ساته وخت ورکړ چې له یمن خپل ځواکونه وباسي ابوظبی اعلان وکړ چې په یمن خپل پاته ځواکونه یې لدغه هیواده ویستلي دي. ریاض او ابوظبی په یمن کې د حوثیانو په وړاندې ایتلاف کې شریکان دي خو ددغه هیواد دسیاسي او امنیتي راتلونکې په هکله سره اختلاف لري.
د افغانستان او پاکستان ترمنځ د سوداګري او ترنزیتي لارو د بندېدو له کبله د دواړو خواوو سوداګرو د میلیونو ډالرو زیان کړی دی.
نور راوښيه
