راسره ملګري شئ
افغان شاعر او لیکوال طالب منګل څو اونۍ مخکې د خوست–کابل پر لار په یوه ترافیکي پېښه کې ووژل شو. د هغه همکاران یې مړینه یوه ادبي غمیزه بولي. د ترافیکي پېښو د قربانیانو د یاد په ورځ، ازادي راډیو د منګل او د بلخ د شاعر صالح محمد خلیق یاد تازه کړی دی.
یو شمېر افغان کډوال چې تازه له ایرانه راستانه شوي، وايي د نیولو او جبري ایستلو پر مهال ترې ایراني پولیسو پیسې اخیستې او ځینې یې وهلي دي. دوی د طالبانو له حکومته غواړي چې دا موضوع له ایراني چارواکو سره پورته کړي. ایراني چارواکو مخکې داسې ادعاوې رد کړې دي.
د طالبانو د حکومت د امر بالمعروف او نهي عن المنکر وزارت وايي، د دوی قانون د پوهنتونونو درسي نصاب ته ور زیات شوی دی. یو شمېر محصلین وايي، له یوې اونۍ راهیسې د دې قانون په اړه سیمینارونه یې د درسي ساعتونو ځای نیسي. دوی اندېښنه لري چې دا کار به د لوړو زده کړو کیفیت ته زیان ورسوي.
د دوشنبې په ورځ د کابل–جلالاباد پر لویه لار په لغمان کې په یوه ټرافیکي پېښه کې یوه اووه کسیزه کورنۍ ووژل شوه. د قربانیانو خپلوان د طالبانو له حکومته غواړي چې د داسې پېښو د مخنیوي لپاره عاجل اقدام وکړي. د لغمان د ټرافیکو مدیر وايي، په اتو میاشتو کې د دې لارې پر لغمان برخه ۴۱ مسافر مړه شوي دي.
یو شمېر افغانانو له افغانستانه بهر او دننه د مرستې کوچني ګروپونه جوړ کړي، چې له خپلو اړمنو خپلوانو او دوستانو سره مرسته وکړي. هغه کسان چې له دې مرستو برخمن شوي، وايي چې خوشحاله دي. د جمعې ورځ (د نومبر ۱۳مه) د مهربانۍ نړیواله ورځ ده.
په کابل او بدخشان کې د دولتي او خصوصي پوهنتونونو یو شمېر نارینه محصلین وايي، له دوی غوښتل شوي چې د موډرنو جامو پر ځای کمیس او پرتوګ واغوندي. د دوی په خبره، ان د سر وېښتان او ږیره یې هم باید په نوي موډ اصلاح نه شي. د زده کړو د حقونو فعالان دا محدودیتونه د اندېښنې وړ بولي.
یو شمېر هغو افغان نجونو چې د طالبانو د حکومت د بندیزونو له امله یې د زده کړو د دوام لپاره ایران او پاکستان ته پناه وړې، ازادي راډیو ته وویل چې هلته هم د کډوالو پر وړاندې د روانو پالیسیو او د قانوني اسنادو د نه لرلو له امله له زده کړو پاتې دي.
نور راوښيه
