ملګرو ملتونو په کابل کې د اقلیمي بدلونونو پایلو ته د رسېدنې لپاره د بیړني اقدام غوښتنه کړې ده. د دې سازمان د بشري مېشتیدنې پروګرام یو این هبتات په خپله اېکس پاڼه په یو بیان کې خبرداری ورکړی چې اقلیمي بدلونونه د دې ښار د غیر رسمي سیمو د اوسېدونکو لپاره جدي پیغامونه لري.
د طالبانو د حکومت د کورنیو چارو وزیر سراج الدین حقاني د افغانستان په اړه د پاکستان د بهرنیو چارو د وزیر او د هغه هېواد د یوشمېر دیني علماو وروستی دریځ ستایلی دی.
د افغانستان او تاجیکستان د پوله په اوږدو وروستيو امنیتي پېښو د دواړو هېوادونو د سیاسي او امنیتي اړیکو په اړه اندېښنې زیاتې کړې دي. داسې مهال چې طالب چارواکي د څېړنو د پیل خبر ورکوي، شنونکي خبرداری ورکوي چې د دې ډول پېښو دوام ممکن له دوه اړخیزو اړیکو هاخوا پایلې هم ولري.
په خیبرپښتونخوا کې میشت افغان کډوال په ځانګړي ډول یو شمیر پانګوال او دوکانداران وايي د پېښور په بیلابیلو سیمو کې د مارکیټونو د خاوندانو له خوا دوی ته د دوکانونو د پرېښودو خبرداری ورکول شوی دی.
د افغانستان خبریالانو مرکز وايي چې په ۲۰۲۵ کال کې یې د تاوتریخوالي او د رسنیو د ازادي د سرغړونو ۲۰۵ پیښې ثبت کړي چې دا شمېره د تیر کال په پرتله زیاتوالی ښیي. د دې بنسټ په خبره، روان کال په دې هیواد کې د رسنیو د ازادۍ او خبریالانو وضعیت خورا ترینګلی او محدود وو.
د ملګرو ملتونو د کډوالو عالي کمشنرۍ او د کډوالو نړیوال سازمان راپور ورکړی چې یواځې تېره یوه اونۍ په پاکستان کې له څلورو زر ډېر افغانان نیول شوي دي. د UNHCR او IOM په دې ګډ راپور کې راغلي چې دا شمېر د تېرې اونۍ په پرتله ۱۴ سلنه زیاتوالی ښيي.
افغانستان ته له ګاونډیو هېوادونو، ایران او پاکستان څخه تازه ستانه شوي کډوال وایي، د سرپناه نشتوالی یې ژوند له جدي ګواښ سره مخامخ کړی دی.
په کابل کې د حضوري چمن چې له اوږدو کلونو راهیسې د ځوانانو او ځلمکیو لپاره د فوټبال او په را وروسته کې د کرکټ د تمرینونو او سیالیو ځای و، اوس د واټونو د سر پلورونکو او استفاده شویو توکو پلورونکو په بازار بدل شوی دی.
په افغانستان کې په غیر دولتي ادارو کې د ښځو او نجونو پر کار د طالبانو د حکومت لخوا له بندیزه درې کلونه اوړي، له دندو راګرځول شوې ځینې ښځې او نجونې وایي له سختو اقتصادي ستونزو کړېږي.
داسې مهال چې په هرات ولایت کې د برېښنا د لېږد او وېش ۹ پروژې د پنجشنبې په ورځ پرانیستل شوې او یوشمیر یې ګټې اخیستنې ته وسپارل شوې ، د افغانستان د بېلابېلو ولایتونو ځیني اوسېدونکي په دې هېواد کې د برېښنا د کمښت له ستونزې شکایت کوي.
نور راوښيه
