ځینې افغان کورنۍ وایي چې د بهر مېشتو خپلوانو په رالېږل شویو پیسو ژوند پرمخ وړي. دوی وایي په هېواد دننه له ګڼو اقتصادي ننګونو او بې کاریو سره مخ دي او پر همدې مرستو متکي دي. اقتصادي کارپوهان دا مرستې نه یوازې افغان کورنیو بلکې د هېواد اقتصاد کې خورا مهمې او حیاتي بولي.
لوېدیځو هیوادونو ته له افغانستان راغلي یو شمیر افغانان وايي، له رارسېدلو سره سم په ژور خپګان اخته شوي دي. دوی وايي، سختي ورځې یې تېرې کړي او لا هم په بشپړ ډول له یاد وضعیت نه دي وتي. ډاکټران دغو کسانو ته سپارښتنه کوي، چې باید کوربه ټولنې سره ذهني جوړښت وکړي.
د امریکا بهرنیو چارو وزارت وايي طالبان د " یرغمل نیونې ډیپلوماسۍ" ته دوام ورکوي او له طالبانو یې وغوښتل چې پاته امریکايي بندیان خوشې کړي. د بهرنیو چارو وزارت ویاندې الیزابیت سټیکني ازادي راډیو ته داهم وویل چې طالبان باید د ښځو او نجونو پر وړاندې د بشري حقونو سرغړونې ودروي.
په افغانستان کې د کانونو د کیندنې له زیاتوالي سره د قیمتي او نیمه قیمتي ډبرو کاروبار او سوداګري هم پراخه شوې ده. په دغې سوداګرۍ کې بوخت ځوانان خپل غوړیدلي کاروبار او راتلونکې ته یې خوښ دي، خو سوداګرې میرمنې بیا وایي، دوی ته بازار موندونه لویه ننګونه ده.
یو افغان ژورنالیست یوسف هیواد دوست، له لسیزو راهیسې په خپلو ټولنیزو پاڼو په ځانګړي ډول فیس بوک او یو شمیر رسنیو، د افغانستان د ملي راډیو تلویزیون او افغان فلم پخواني کارکوونکي خلکو ته ورپېژني. دی وايي، کوم کسان چې ده معرفي کړي شمیر یې له زرګونو هم اوښتی.
ډېرې هغه افغانې کورنۍ چې د پاکستاني ځواکونو د هوايي او راکټي بریدونو له امله د ډیورنډ کرښې په اوږدو کې ولسوالیو څخه بېځایه شوې وې، لا هم خپلو کورونو او عادي ژوند ته نه دي ستنې شوي.
د افغانستان د کرکټ د ملي لوبډلې د پخواني لوبغاړي شاپور ځدران مړی به له هنده کابل ته انتقال او هلته خاورو ته سپارل کېږي. د افغانستان کرکټ بورډ په یوه اعلامیه کې ویلي چې د هغه د جنازې لمونځ او د خاورو سپارلو مراسم به په کابل کې ترسره شي.
په هرات کې یو ځوان چې خپله هم جسمي معلولیت لري، معلولو حیواناتو ته د مرستندویو وسایلو په ډیزاین او جوړولو سره هڅه کوي هغوی ته یو ځل بیا د حرکت او ژوند کولو فرصت برابر کړي. دی وايي، د دغو حیواناتو لپاره یې یو مرکز هم جوړ کړی دی.
په افغانستان کې د طالبانو د حکومت له لوري د ښځو پر کار لګول شویو محدودیتونو د هغو ګڼو کورنیو ژوند له جدي اقتصادي ستونزو سره مخ کړی چې د کورنۍ سرپرستانې یې ښځې دي
د ملګرو ملتونو د پراختیايي پروګرام (DPUN) مشر افغانستان ته دسفر په ترڅ کې وویل چې له هرو څلورو افغانانو درې تنه دخپلو لومړنیو اړتیاوو د برابرولو وس نه لري. الکسندر ډي کرو وايي افغانستان له څو اړخیزو بحرانونو سره مخ دی. بلخوا ستانه شوي کډوال له بې روزګارۍ سرټګوي.
نور راوښيه
