اوکراین سره د امریکا د متحدو ایالتونو د پوځي مرستو له ځنډېدو وروسته دا پوښتنه را ولاړه شوې چې ایا اروپا کولای شي په اوکراین کې د امریکا د مرستو تشه ډکه کړي؟ خپله په اروپا کې یوشمېر هېوادونه لکه هنګري له اوکراین سره د مرستې ملاتړ نه کوي.
په تورخم کې د افغانستان او پاکستان د پوله ساتو ترمنځ تر سختو جګړو وروسته سلګونه کسانو خپلې مېنې پریښي او خوندي ځایونه تللي دي. ننګرهار کې طالب چارواکي وایي، تورخم کې لا هم وضعیت بشپړ نظامي دی او عامو خلکو ته دروازې ته د نژدې کېدو اجازه نه ورکول کیږي.
د افغانستان په بېلابېلو سیمو کې هر کال سېلابونه نه یوازې دا چې کرنیزې ځمکې او کورونه ویجاړوي، بلکې خلک له خوړو او سرپناه هم بېبرخې کوي.
د طالبانوتر واک لاندې افغانستان کې د څلورم تعلیمې کال په رانږدې کېدو سره، د نجونو د زده کړو ملي کمپاین د طالبانو له حکومت غوښتي چې نور د نجونو په زده کړو دا غیر عالادنه او غیر قانوني بندیز پای ته ورسوي.
د سپینې ماڼۍ یوه چارواکي تېره شپه وویل چې متحدایالات له اوکراین سره ټولې پوځي مرستې ځنډوي او له څېړنې وروسته به دا خبره یقیني کړي چې آیا دا مرستې د اوکراین د جګړې له حل سره مرسته کوي که نه.
تورخم کې د پرله پسې دوهمې شپې لپاره هم جګړه شوې. په سیمه کې د طالبانو د حکومت یوه سرچینه وايي، تورخم کې افغانستان غاړې ته یوازې طالب پوځیان دي، ملکي خلک نشته او ښارګوتي له ځايي خلکو تخلیه شوي دي.
یوه موټر چلوونکي د دوشنبې په ورځ د جرمني په سویل لویدیځ منهایم ښار کې د خلکو په ګڼه ګوڼه کې په موټر دوه کسان وژلي او ۱۱ نور کسان یې ټپیان کړي دي.
د امریکا متحده ایالاتو د مرستو له بندېدو وروسته د افغانستان د بېلابېلو سیمو یو شمېر اوسېدونکي ادعا کوي چې په دولتي روغتونونو کې د مناسبو امکاناتو د نشوالي له امله لازم روغتیايي خدمات نه ترلاسه کوي. دوی ازادي راډيو ته وویل چې وویل د اقتصادي ستونزو له امله نه شي کولای خصوصي روغتونونو ته لاړ شي.
په تورخم کې د طالبانو حکومت یوې سرچینې ازادي راډيو ته وویل چې تېره شپه نږدې دولس نیمې بجې پاکستاني لوري ډزې پیل کړې او وروسته وسله واله نښته رامنځته شوه چې د دوشنبې د ورځې تر یولس بجو یې دوام درلود.
د وزیر خان کورنۍ وایي چې د هغه په اړه هېڅ ډول معلومات نه لري. وزیر خان تېره دوشنبه د طالبانو د استخباراتو ځواکونو له خپل کوره بیولی دی. د طالبانو حکومت تر اوسه د نوموړي نيول کېدل په رسمي توګه نه تأييد او نه رد کړي.
نور راوښيه
