د پولنډ د بهرنیو چارو وزیر رادوسلاو سیکورسکي وایي، د امریکایي او اوکرایني چارواکو ترمنځ په سعودي عربستان کې له شوې موافقې وروسته د پولنډ له سرحدي لارې اوکراین ته د امریکا د پوځي مرستو لیږد بېرته پیل شوی دی.
د سوریې په لویدیز کې د تاوتریخوالي د راپورته کیدو له امله، ددې هېواد انتقالي حکومت د دې توان په اړه پوښتنې راپورته شوې دي چې آیا دا حکومت د خپلو اړوندو ډلو کنټرول ساتلی شي او که نه. همداراز، دې پیښې د روسیې او ایران ښکیلتیا ته هم جدي پام اړولی دی.
روسیې او اوکراین د دوی ترمنځ د اوربند تر وړاندیز څو ساعته وروسته تېره شپه یو پر بل هوایي بریدونه کړي دي.
په داسې حال کې چې د امریکا متحده ایالاتو ته د پناه غوښتونې یو شمېر کیس لرونکي د کډوالو منلو د پروګرام د ځنډولو په اړه اندیښمن دي، د متحده ایالاتوحکومت اعلان کړی چې ممکن میاشتې وخت ونیسي، څو دا پروګرام د محکمې د حکم پر بنسټ په بشپړه توګه له سره پیل شي.
ټاکل شوې وه چې د تورخم دروازې د پرانستل کېدو او دغلته د رامنځته شوې ستونزې د دایمې حل په هدف د دواړو لوریو د سوداګرو او قومي مشرانو ترمنځ د تېرې جرګې په دوام د خبرو دوهم پړاو نن پیل شي خو د نن ورځې ناسته د نامعلومو دلایلو له امله لغوه شوې ده.
د ماشومانو د ساتنې نړیواله اداره (سیف ده چلډرن) وايي، د نړیوالو مالي مرستو د کمېدو له امله یې په افغانستان کې ګڼ روغتیایي مرکزونه تړل شوي اود ګڼو نورو د تړل کېدو خبرداری هم ورکوي.
د افغانو ښځو له حقونو څخه د دفاع او د ښځو د پیاوړتیا په موخه یو شمیر افغانې ښځو د متحده ایالاتو په نیویارک ښار کې د نړی له ګوټ ګوټ څخه راټول شوي وي څو د افغانو ښځو نړیوالي شبکه (AWNI) په نامه یوه نړیواله مدني ټولنه جوړه کړي.
د اوکراین او امریکا جګپوړي چارواکي د سعودي عربستان په جده ښار کې یوې مهمې غونډې کې راغونډ شوي، څو د روسیې سره د جګړې د پای ته رسولو په اړه خبرې وکړي. دا خبرې اترې داسې مهال کېږي چې د کییف او واشنګټن ترمنځ اړیکې ترینګلې شوې او اوکراین او روسیې ترمنځ د جګړې ډګرونه هم تاوده شوي دي.
امریکا ته د افغانانو د سفر د بندیز په درشل کې ګڼ شمېر هغه افغانان چې له امریکایانو سره یې کار کړی دی، بې برخه لیکه حالت کې پاته دي. د امریکا ولسمشر تازه خپل حکومت ته امر کړی چې د امنیتې ملحوظاتو له کبله هغه هېوادونه مشخص کړي چې امریکا ته د اتباعو سفر یې ممکن خطر له ځان سره ولري.
ایران وايي، بې اسناده افغان کډوال له روغتیايي، ښوونیزو او نورو خدمتونو محروموي.
نور راوښيه
