د سوریې حکومتي ځواکونو او د مخلوع ولسمشر بشار اسد وفاداره ځواکونو تر منځ په وروستیو نښتو کې سلګونو کسانو ته مرګژوبله رسېدلې ده. اخوا د سوریې ولسمشر احمد شرع د پخواني رژیم ملاتړو ځواکونو ته خبرداری ورکړی چې خپلې وسلې او ځانونه تسلیم کړي.
د کونړ اوسېدونکي وايي، د جګړو په تېرو کلونو، په ځانګړي ډول د نړیوالو ځواکونو د شتون پر مهال، پاکستان د القاعده او نورو وسلهوالو ډلو پر ضد د عملیاتو په پلمه لسګونه کیلومتره وړاندې تللی او حاکمې نقطې یې نیولې دي.
ملګرو ملتونو د ښځو ادارې د ښځو د نړیوالې ورځې د بدلونونو لنډ تاریخ خپور کړی، چې پکې د تېرې پیړۍ مهمې شیبې او لاسته راوړنې راخېستل شوي دي.
په افغانستان کې د ملګرو ملتونو سازمان مرستندویه دفتر (یوناما) له طالبانو غوښتي چې پر افغان ښځو لګول شوي بندیزونه لرې کړي.
عبدالله، چې په پاکستان کې د «اې سي سي» کارت لرونکی افغان کډوال دی، وایي له تېرو پنځوسو کلونو راهیسې په دغه هېواد کې ژوند کوي او د موبایلونو د ترمیم له لارې د خپلې اوه کسیزې کورنۍ نفقه برابروي.
د امریکا ولسمشر ډونالډټرمپ وايي چې پر اوکراین د روسې پراخو عملیاتو ته په پام سره دی پر روسیې د پراخو بندیزونو د لګولو په اړه غور کوي.
نړیوال نن د مارچ اتمه، د ښځو د پیوستون نړیواله ورځ لمانځي. په دې مناسبت د بېلابېلو هېوادونو د مشرانو، نړیوالو ادارو او فعالانو د پیغامونو په سر کې له افغان ښځو سره د طالبانو د حکومت د چلند یادونه شوې.
پاکستان کې د افغان کډوالو د نیول کېدو او له دغه هېواده د شړلو بهیر په چټکېدو سره، "د پناه غوښتونکو لپاره د ګډ اقدام کمېټې" په نوم د افغان کډوالو د حقونو يوې ملاتړې ډلې ویلي، د پاکستان پولیسو لږ تر لږه ۱۹۰ افغانان د دې هېواد په پلازمېنه اسلاماباد کې نیولي دي.
په ننګرهار کې بېسرپرستې او بېوسه مېرمنې وايي، غربت او اقتصادي ستونزو دومره سرګردانه کړي، چې نه له خپلو حقوقو خبرې دي او نه هم د ښځو له نړیوالې ورځې.
د روغتیا نړیوال سازمان (ډبلیو اچ او) او همکارې ادارې یې، د روغتیا نړیوال کلسټر، چې د څو نړیوالو سازمانونو جوړه شبکه ده، وايي چې د امریکا د بهرنیو مرستو بندیدو په تېرو لسو ورځو کې د افغانستان په ۲۵ ولایتونو کې د ۱۶۷ روغتیايي مرکزونو فعالیتونه ځنډولي یا هم تړلي دي.
نور راوښيه
