د لاسرسۍ وړ لېنکونه

تازه خبر
دوشنبه ۴ چنګاښ ۱۴۰۳ کابل ۱۱:۳۱

امنیت شورا د طالبانو څلورو مشرانو ته د عربستان د سفر اجازه ورکړه


د عکس ښي لور ته مولوي کبیر، مولوي ثاقب، سراج‌الدین حقاني او وروستی یا چپ لور ته عبدالحق وثیق
د عکس ښي لور ته مولوي کبیر، مولوي ثاقب، سراج‌الدین حقاني او وروستی یا چپ لور ته عبدالحق وثیق

د ملګرو ملتونو دامنیت شورا پر څلورو لوړپوړو طالب چارواکو سعودي عربستان ته د سفر بندیز لیرې کړی دی.

د امنیت شورا د بندیزونو کمېټې په یوې تازه اعلامیه کې ویلي چې د طالبانو حکومت د ریاست الوزرا پر سیاسي مرستیال مولوي عبدالکبیر، د کورنیو چارو سرپرست وزیر سراج‌الدین حقاني، د استخباراتو لوی ریاست سرپرست عبدالحق وثیق او د حج او اوقافو وزارت سرپرست نورمحمد ثاقب د سفر بندیز معافیت سعودي عربستان ته د حج د مراسمو د ادا کولو په هدف تصویب شوی دی.

د ملګرو ملتونو امنیت شورا ویلي، دا اقدام یې د جون په پنځمه کړی دی.

امنیت شورا په ۲۰۱۱م کال کې د دغې شورا ۱۹۸۸ پرېکړه‌لیک له مخې د طالبانو پر یو شمېر چارواکو د سفر بندیزونه لګولي دي.

دغې شورا که څه هم ویلي چې دغه معافیت یې سعودي عربستان ته د حج د ادا کولو په هدف او د جون په پنځمه دغو څلورو طالب مشرانو ته ورکړی، خو د روانې جون میاشتې په څلورمه د طالبانو حکومت د کورنیو چارو سرپرست وزیر سراج‌الدین حقاني متحده عربي اماراتو ته سفر کړی و او هلته یې د یاد هېواد له امیر او یو شمېر نورو چارواکو سره کتلي دي.

امریکا تر تعقیب لاندې سره سره سراج‌الدین حقاني ابوظبۍ ته سفر کړی
هيله ده انتظار وکړئ

No media source currently available

0:00 0:00:29 0:00

د طالبانو د حکومت ویاند ذبیح‌الله مجاهد د دغه سفر په اړه په خپل ایکسپاڼه لیکلي چې دواړو لوریو د متقابلو ګټو او همکاریو د پراختیا پر لارو چارو او د سیمې له ثبات سره د مرستې په تړاو خبرې کړي دي.

هغه دا هم لیکلي، دغه شان د ترافیکو د ډیجیټلي کېدو او د افغانانو لپاره د ویزو د ورکړې په اسانتیاوو هم خبرې شوي دي.

خو متحده عربي اماراتو ته د سراج‌الدین حقاني دغه سفر غبرګونونه هم درلودل.

پرون د امریکا د بهرنیو چارو وزارت له هېوادونو غوښتي وو چې د هغو طالب چارواکو د سفر بندیز ته درناوی وکړي چې د امنیت شورا د بندیزونو په لېست کې دي.

د امریکا د بهرنیو چارو د وزارت ویاند متیو مېلر ویلي وو چې حکومتونه باید د دغو طالب چارواکو د سفر لپاره اجازه ترلاسه کړي او دې پروسې ته درناوی وکړي.

مخکې هم یو شمېر هېوادونو ته د طالب چارواکو سفرونه له ورته غبرګونونو سره مل وو.

خو د طالبانو د حکومت ویاند ذبیح‌الله مجاهد بیا مخکې بیا په دې اړه ویلي، د تحریم لېست ته د مشرانو اچول د هېڅ لوري په ګټه نه دي او باید پر ځای یې له تعامل، ډیالوګ او تفاهم څخه کار واخیستل شي.

د یادونې ده چې ملګرو ملتونو د امنیت شورا ترڅنګ، اروپايي ټولنې او د امریکا متحده ایالاتو هم مخکې یو شمېر طالب چارواکي د سفرونو په تور لېست کې شامل کړي دي.

اړوند مطالب

XS
SM
MD
LG