د هلمند ځینې اوسېدونکي وايي، د کجکي د بند اوبه د ایران لوري ته پرېښودل شوي دي.
دوی ازادي راډيو ته دا هم وویل چې د طالبانو لوړپوړو مشرانو تازه د کجکي د بند څخه لیدنه هم کړې ده.
د سیمې خلک زیاتوي، طالبان اوسمهال د کجکي بند شاوخوا خلکو او خبریالانو ته د تګ اجازه هم نه ورکوي.
ځايي خلک وايي، د کجکي بند کاسه له اوبو نه، بلکې له خاورو ډکه ده.
دوی له واکمنو طالبانو غوښتنه کوي چې له ايران دې اوبه راوګرځوي او د یاد بند کاسه دې پاکه کړي.
دا په داسې حال کې ده چې د غويي پر ۲۸مه نېټه د ایران ولسمشر ابراهیم رییسي د طالبانو له حکومته په زغرده غوښتې وو چې د هلمند د سیند د اوبو حق یې ورکړي.
نور تفصيل د لاندې غږيز فايل په کېکاږلو اورېدلی شئ:
