د لاسرسۍ وړ لېنکونه

تازه خبر
چهارشنبه ۹ غبرګولی ۱۴۰۳ کابل ۰۸:۰۲

فاروق: نړیواله ټولنه باید د افغانستان روان وضعیت په اړه چپ پاتې نه‌شي


په افغانستان کې د ښځینه محصلانو پر لوړو زده کړو له بندیز وروسته کابل کې یو شمېر معترضو ښځو د طالبانو له دې پرېکړې سره مخالفت وکړ او لارو کوڅو ته راووتل. December 22, 202
په افغانستان کې د ښځینه محصلانو پر لوړو زده کړو له بندیز وروسته کابل کې یو شمېر معترضو ښځو د طالبانو له دې پرېکړې سره مخالفت وکړ او لارو کوڅو ته راووتل. December 22, 202

د اکشن‌ایډ موسسې د اسیا او بشري مرستو برخې رییسه وايي، نړیواله ټولنه باید به په افغانستان کې د روان وضعیت په اړه چپ پاتې نه‌شي.

فاروق وايي، له کله چې طالبان واک ته رسېدلي، نوموړې په افغانستان کې د ښځو د بشري حقونو د تدریجي تخریب شاهده ده.

دې موسسې په خپله ټوېټرپاڼه د رزمي فاروق یو ویډیويي کلیپ خپور کړی چې نوموړې په کې د طالبانو تر واک لاندې د افغان نجونو او ښځو په وضعیت اندېښنه ښيي.

رزمي فاروق خبرداری ورکوي چې افغانستان د جنسیتي برابرۍ په برخه کې د نړیوالې مبارزې په سر کې دی او نړیواله ټولنه نباید په دې اړه چپ پاتې نه شي.

فاروق زیاتوي، طالبان له دې امله چې نجونو او ښځو ته د زده‌کړو اجازه نه ورکوي، نه یوازې د دوی حقونه تر پښو لاندې کوي، بلکې د ملت راتلونکی له خطر سره مخ کوي.

هغې زیاته کړه: "ښځې او نجونې د نارینه‌وو تر کلکې څارنې لاندې دي او اوس د دې هڅه کېږي چې ښځې د طالبانو سختو قوانینو ته غاړه کېږدي. واک ته د طالبانو له رسېدو تر یو میاشتې لږ وروسته، دوی ښځې د کابینې په هر ډول پوسټونو کې له کار کولو منع کړې او په سیاست کې یې د ګډون او پرېکړو کولو حق ترې واخیست. د طالبانو په واکمنۍ کې له ۱۱ او ۱۲ کلونو پورته عمر لرونکو نجونو ښوونځي ته د تللو تر ټولو اساسي حق له لاسه ورکړ."

د ازادي راډیو خبریال له طالبانو پر دوی د یادو نیوکو په اړه وپوښتل، خو د ویاند په ګډون یې ځینو نورو چارواکو ځواب ورنه کړ، خو دوی وړاندې ویلي، په افغانستان کې د ټولو افغانانو حقونه خوندي دي.

له افغانستان بهر هم په دې هېواد کې روان وضعیت د بحثونو اصلي محور دی، په ځانګړي ډول د ایران و پاکستان لپاره چې لا له وړاندې د طالبانو په ملاتړ تورن دي او ویل کېږي چې ورسره خورا نږدې او پټې اړیکې لري.

د جمعې په ورځ د ایران و پاکستان د بهرنیو چارو وزیرانو ټیلفوني خبرې کړي او د افغانستان په اوسني وضعیت یې اندېښنه ښودلې.

د ایران د بهرنیو چارو وزارت یوه خبرپاڼه کې لیکلي، امیرعبدالهیان په افغانستان کې د نجونو په زده‌کړو د بندیز په اړه خواشیني ښودلې او تر خوا یې په افغانستان کې د ټول ګډونه حکومت د جوړېدو غوښتنه کړې.

د پاکستان د بهرنیو چارو وزیر بلاول بوټو زرداري
د پاکستان د بهرنیو چارو وزیر بلاول بوټو زرداري

په خبرپاڼه کې دا هم ویل شوې، چې د پاکستان د بهرنیو چارو وزیر بلاول بوټو زرداري هم د افغان نجونو او ښځو د زده‌کړو په دوام او په افغانستان کې د ټولګډونه حکومت په جوړېدو تینګار کړی دی.

خبرپاڼه وايي، دغه شان په دغو خبرو کې له ترهګرۍ سره د مبارزې غوښتنه هم شوې.

خو طالبانو تل ویلي، له خپلې اوسنۍ ډلې جوړ شوی نظام یې ټولګډونه دی او تر خوا یې ترهګرۍ سره مبارزې ته هم ژمن دي.

اړوند مطالب

XS
SM
MD
LG