له زده کړو یو شمېر راګرځول شوې افغان نجونې وایي، د دې لپاره چې له زده کړو سره خپله اړیکه وساتي او بوختې پاتې شي، د غیررسمي ښوونکو په توګه یې نورو ماشومانو ته د درس ورکولو لړۍ پیل کړې ده.
د طالبانو په دوهیمه واکمنۍ کې له شپږم ټولگي پورته پر نجونو باندې د زدهکړو د بندیزو پینځه کلونه پوره شول؛ په دې پینځو کلونو کې میلیونونه افغانې نجونې ښوونځي ته نه ولاړې او پر کور پاتې شوې. له ښوونځیو راگرځول شوې نجونې لا هم د ښوونځیو پرانیستو ته په تمه دي، خو طالبان یې په اړه غلي دي.
په افغانستان کې د طالبانو تر بیا واکمنېدو پنځه کاله وروسته، یو شمېر هغه ښځې چې د ۲۰۲۱ کال د اګست تر پنځلسمې وړاندې یې په دولتي او نادولتي ادارو کې کار کاوه، وايي ژوند یې اوس له پخوا سره ډېر توپیر لري.
نور راوښيه
