په بدخشان ولایت کې د "صدای بانوان" يوه مسؤله چې نهغواړي نوم يې راپور کې واخيستل شي وايي، که راډيو ته د بیا خپرونو اجازه ورنهکړل شي د راډيو د خپرونو تر څنګ به افغانستان کې د سلګونو ښځو غږونه هم چوپ شي.
د هغې د ادعا لهمخې په راډیو کې د عربي نعت د خپرولو په دوام په تېروتنې سره میوزیک خپور شوی چې له امله یې طالبانو د دوی راډیو وتړله.
نوموړې وايي: "زموږ ډېری خپرونې د ښځو لپاره دي، پرون په یوه بجه د طالبانو د اطلاعاتو فرهنګ ریاست ځواکونه او د بدخشان د امر بالمعروف ریاست راډیو یې بنده کړه او ويې ویل، تاسو په خپله راډیو کې موسیقي خپره کړې ده، البته موزیک، البته د یو عربي نعت وروسته زموږ له یوه تخنیکي همکار نه سهوا موزیک پلی شوی، ځکه یې زموږ خپرونې بندې کړې."
"زموږ ډېری خپرونې د ښځو لپاره دي
د هغې په خبره ان په تېر جمهوري نظام کې دوی د روژې په میاشت کې د موسیقۍ له خپرولو ډډه کوله.
دا د طالبانو له حکومت غواړي دوی ته بیا د فعالیت اجازه ورکړل شي.
په بدخشان کې د طالبانو د حکومت د اطلاعاتو فرهنګ رئیس معزالدین احمدي هم ازادي راډیو سره په خبرو کې (د صدای بانوان) راډيو د تړلو خبر تایید کړې او ويې ویل، په پرلهپسې توګه د طالبانو د حکومت د خپرونو د پالیسۍ خلاف د نشراتو خپرولو له امله تړل شوې ده.
يوه ښځينه خبرياله، انځور - ارشيف
نوموړي وويل: "په بدخشان ولایت کې د صدای بانوان راډيو په پرلهپسې توګه د اسلامي امارت او د اطلاعاتو فرهنګ وزارت د پالیسۍ خلاف د نشراتو خپرولو له امله پرون د اطلاعاتو و فرهنګ ریاست لهخوا وتړل شوه، خو که ضمانت و اوسي چې داسې کار بیا نه تکراروي، نو کېدای شي راډیو بیا له سره فعاله کړو."
"په خواشینۍ سره چې د دغې راډیو د بندولو سره نږدې د راډیو لس ښځینه کارکوونکې بې دندې شوېظريف کريمي
د افغانستان له ازادو رسنیو د ملاتړ بنسټ "نۍ" مسول ظریف کریمي وویل، هڅه کوي چې دې رسنۍ ته د بیا فعالیت اجازه ورکړل شي.
ښاغلی ظريفي وايي: "په خواشینۍ سره چې د دغې راډیو د بندولو سره نږدې د راډیو لس ښځینه کارکوونکې بې دندې شوې او تر اوسه د اطلاعاتو وفرهنګ ریاست لهخوا د دوی د بیا له سره دفعالیتونه له پیلېدو هم څه وضاحت نهدی ورکړ شوی، هڅې ادامه لري، څو وکولای شو د راډيو خپرونې بیا پيل کړو."
په افغانستان کې د طالبانو د بیا واکمنېدو وروسته ډېری انځوریزي، غږیزې او چاپي رسنۍ وتړل شوې، خبریالان او د رسنیو کارکوونکي هم بېکاره شول او یا هم اړ شول خپلې دنده پرېږدي.
د هېواد پرېښودل، شکنجه، وهل ټکول، ګواښونه اونیول نورې هغه ننګونې دي چې له اوږدې مودې راهیسې افغان خبریالان ورسره مخ دي.