د طالبانو له لوري د خصوصي پوهنتونونو کانکور ازموينه کې د نجونو پر بنديز د غبرګونونو دوام.
خديجه چې د کابل له یو دولتي ښوونځي دوه کاله مخکې فارغه شوې وايي، که څه هم له اقتصادي ستونزو سره مخ ده، خو بيا يې هم هڅه کړې چې د خپلو زدهکړو د دوام لپاره د خصوصي پوهنتونونو د کانکور په ازموينه کې برخه واخلي.
خو نوموړې ازادي راډیو ته وویل د طالبانو ورستې پرېکړې سخته ناهیلې کړې.
اغلې خديجه وايي: "ما د کانکور ازموینې لپاره ډېر چمتوالی نیولی و سره له دې چې ډېرې مالي ستونزې مې درلودې، ناهیلې نهشوم، خپلې راتلونکې لپاره ډېره هیلهمنده وم، خو د طالبانو ورستۍ پرېکړه چې په خصوصي پوهنتونونو کې یې د کانکور ازموینه په نجونو بنده کړه زه ډېره ناهیلې کړم."
په دې اړه نور: یوناما د کانکور ازموینه کې د نجونو پر ګډون د طالبانو بندیز غندلید خصوصي پوهنتونونو په کانکور ازموینو کې د نجونو په ګډون د طالبانو د حکومت لهخوا بندیز د افغانستان په دننه او بهر کې پراخ غبرګونونه راپارولي دي.
د دغو غبرګونونو په دوام، د افغانستان لپاره د امریکا د سفارت شارژدافیرې (کرن ډېکر) پر خپلې ټویټر پاڼه لیکلي، د زدهکړو په نښه کول طالبان او هر څوک کمزوري کوي او په راتلونکي کې د افغانستان لپاره بېوزلي رامنځته کوي.
اغلې ډېکر د ټویټ یوه بله برخه کې لیکي: "دا وضعیت د هغو ژمنو په اړه پوښتنې راپورته کوي چې ښوونځي به ډېر ژر د ښځینه زدهکونکو لپاره پرانیستل شي."
"موږ د طالبانو له دې پرېکړې سخت خواشیني او ناهیلي یو
په ورته وخت کې په افغانستان کې د جاپان سفارت له طالبانو غوښتي چې پر خپلې پرېکړې له سره غور وکړي.
د جاپان سفارت په یوه ټویټ کې لیکلي: "موږ د طالبانو له دې پرېکړې سخت خواشیني او ناهیلي یو چې د کانکور له ازموینو څخه یې ښځینه محصلانې ایستلي دي."
د جاپان بيرغ
د جرمني سفارت هم په خپله ټويټر پاڼه ليکلي، چې د طالبانو د حکومت دغه پرېکړه به د ټولو افغانانو لپاره د لا زياتو کړاونو لامل شي.
خو د طالبانو د حکومت د لوړو زدهکړو وزارت ویاند ضیاء الله هاشمي وايي، چې دا ډول غبرګونونه پر دوی فشار نهشي راوستلی.
نوموړي ازادي راډیو ته په یوه لیکلي پیغام کې وویل: "موږ د اسلامي شریعت په رڼا کې د ټولو افغانانو حقونو ته ژمن یو او پر نړۍ غږ کوو چې هيڅکله له موږ څخه د هغه څه غوښتنه ونهکړي چې د اسلامي شریعت خلاف وي."
خو د طالبانو د حکومت ویاند ذبیحالله مجاهد بیا ازادی راډیو ته وویل: "د کانکور موضوع هغه کومه نوې نهده، بلکې د تېر حکم پر بنسټ چې تر امر ثاني پورې هرڅه ځنډېدلي و دا هم تر امر ثاني پورې ده، په هغه موضوع کې چې پرمختګ وشي نو د کانکور موضوع هم حل کېږي."
ذبيحالله مجاهد
د شنبې په ورځ د طالبانو حکومت په یوه رسمي لیک کې له خصوصي پوهنتونونو وغوښتل چې ښځینه محصلینو ته د کانکور په ازموینه کې اجازه ورنهکړي.
له دې وړاندې په افغانستان کې د ملګرو ملتونو د سیاسي استازولۍ دفتر (یوناما) هم له طالبانو غوښتي وو چې ژر تر ژره دغه پرېکړه لغوه کړي.
یوناما پر خپله فېسبوک پاڼه لیکلي، چې د افغانستان د حاکمانو وروستی امر، د خصوصي پوهنتونونو د کانکور ازموینو نه د نجونو منع کول په ناسم لوري یو بل ګام دی او د هغو پخوانیو ژمنو خلاف عمل دی چې دوی (طالبانو) د ښځو او نجونو په وړاندې د پوهنتونونو او ښوونځیو د ژر پرانیستې په اړه کړی و.