پاکستاني چارواکو پرېکړه کړې چې د چمن له دروازې به یوازې افغان ناروغانو ته د تګ راتګ اجازه ورکوي.
د قیصر خان په نوم د پاکستان یوه سیمهییز چارواکي ویلي چې د چمن دروازه به له افغان ناروغانو پرته د نورو ټولو پر مخ تړلې وي.
د اسوشیټېد پرس خبري اژانس د راپور له مخې هغه دا خبره نن کړې خو د کندهار د والي ویاند صمیم خپلواک وایي چې تر اوسه دغه دروازه د افغان ناروغانو پر مخ نهده پرانیستل شوې.
دغه پوله د تېرې جمعې ورځې راهیسې چې د دواړو هېوادونو تر منځ په دوو سرحدي کلیو کې د پاکستان لهخوا د سرشمېرنې پر سر نښته وشوه تړلې ده.
د کندهار چارواکو وویل، نښته هغه وخت وشوه چې پاکستاني ملېشې د سپینبولدک او چمن تر منځ پرتو د لقمان او نظر کلیو ته د خلکو د سرشمېرنې لپاره ننوتل.
د اسوشیټېډ پرس په لیکنه پاکستان ویلي چې د دې هېواد د سرشمیرنې پر کارکوونکو د افغان امنیتي ځواکونو په ډزو کې ۱۱ تنه وژل شوي دي.
خو افغانستان وایي، لومړی ډزې پاکستان وکړې چې دوه سرتېري او ۹ ملکیانیې ووژل.
پاکستاني چارواکي دغه کلي د خپلې خاورې برخه بولي.
د دغې شخړې د څېړنې او د لانجې د هواري لپاره د دواړو لورو تر منځ د سیمهییزو چارواکو په سطح څو غونډې شي چې تر اوسهیې نتیجه نهده معلومه.
دغهراز ویل شوي چې د دواړو لورو تخنیکي ټیمونه هم په دې اړه چې بېله شوې کرښه له کومو ځایونو تېرېږي څېړنه کوي.
