هره اوونۍ د افغانستان له بېلابېلو برخو په خپلسري ډول د خلکو د نیولو، شکنجه کولو او حتی په مرموز ډول د وژل کېدو راپورونه ورکول کېږي.
په تازه مورد کې په ننګرهار کې د پخواني پوځي ریاض احمدزي د وژنې عکسونه او ویډیوګانې پرون په ټولنیزو شبکو کې خپرې شوي، دغه راز په خوست ولایت کې د یوه صراف د وژلو ویډیو هم ډېره لاس په لاس شوې ده.
د ماشومانو د تعلیم فعال مطیع الله ویسا لا هم د طالبانو په توقیف کې دی او د برخلیک په باب یې معلوما نه دي ورکړل شوي.
په داسې حال کې چې طالبانو تېر اساسي قانون او نور قوانین ملغی اعلان کړي، په وژنو کې د دخیلو کسانو یا هم د نیول شویو کسانو پر وړاندې د کوم قانون له مخې چلند کوي؟
پر همدې موضوع زموږ همکار د افغانستان د عدالت غوښتونکو شورا له عمومي مشر جمعه خان عمرخېل سره مرکه کړې او په سر کې یې پوښتلی چې د فعالانو او نورو اشخاصو خپلسري نیونې، شکنجې او ربړونې روانې دي، تاسو دغه موارد مستند کړي؟
د دې مرکې د اورېدو لپاره لاندې لېنک کېکاږئ:
Your browser doesn’t support HTML5
عمرخېل سره مرکه