برېتانیا او د مشترک المنافع نورو پنځه پنځوس هېوادو له خپلو اتباعو غوښتې دي چې، افغانستان ته د روژې میاشتې په ترڅ کې سفر ونهکړي.
د برېتانیا او مشترک المنافع هېوادو د دفتر له لورې د چهارشنبې د ورځې په خپاره شوي بیان کې راغلي دي چې، په افغانستان کې امنیتي وضعیت خورا کړکېچن دی.
د بیان لهمخې د مذهبي مراسمو پر مهال لکه د روژې په میاشت کې د ترهګریزو بریدونو خطر زیات دی.
د اوس لپاره په افغانستان کې د برېتانیا قونسلي فعالیتونه بند دي.
همداراز دې خپل امنیت ته ډېر پام کوي.
په بیان کې دا هم ویل شوې دي، که د برېتانیا او مشترک المنافع هېوادو د شپږ پنځوس غړیو هېوادو کوم غړی بیا هم افغانستان ته د روژې میاشتې په ترڅ کې سفر کوي هغه ته دا لارښوونه کېږي چې ځان به غلی نیسي، له بیروبار ځایونو څخه به ځان ساتي او د مذهبي مراسمو په ګډون به په عامه غونډو کې برخه نه اخلي، همداراز دې خپل امنیت ته ډېر پام کوي.
د برېتانیا او د مشترک المنافع هېوادو په دې بیان کې دا هم ویل شوې دي چې، په افغانستان کې د برېتانیایي اتباعو د نیولو خطر خورا زیات دی او ښایي له داسې توقیفېدو د برېتانیا دولت بیخي خبر نهشي.
د جنورۍ په يوولسمه کابل کې د بهرنيو چارو وزارت پر کارکوونکو د چاودنې انځور.
همدا راز یې له خپلو خپلوانو سره د ارتباط تضمین ګران دی او ښایي یو برېتانیایی د اوږدې مودې په مخه په زندان کې پاتې شي.
د دې خطر د اعلان سربېره برېتانیا خپلو خلکو ته خبر ورکړی دی چې، د افغانستان په ګاونډیو هېوادو کې د برېتانیا له کونسلګریو سره د اړتیا پرمهال ارتباط نیولی شي.
برېتانیا او مشترک المنافع هېوادو په داسې ورځ دا خبرداری ورکړی دی چې په لندن کې د هغو برېتانیایي سرتېرو عامه څېړنه پيل شوه چې د ملکي افغانانو د وژنې تور پرې پورې شوی دی.
داسې راپورونه مخکې خپاره شوې و چې ځینو برېتانیایي سرتېرو د دوه زره لسم او دوه زره دیارلسم کلونو ترمنځ د چاپو پرمهال څلور پنځوس هغه بې وسلې افغانان وژلي دي چې دوی د ترهګرو شک پرې کړی و.
د برېتانیا د قضایه قویې چارواکو ویلي دي چې، تمه ده د دې پلټنو نتیجې به په اتلسو میاشتو کې خپرې شي.