په کندهار ولایت کې د طالبانو د حکومت چارواکو له رسنیو او خبریالانو غوښتي چې، په تبلیغاتي برخه کې د دوی د نظام دفاع وکړي.
په کندهار ولایت کې د طالبانو د حکومت مرستیال والي له خبریالانو او د رسنیو له مسوولینو غوښتي چې د نړۍ او هېوادونو د منفي تبلیغاتو مخه دې ونیسي او د دوی د نظام د دفاعي ځواک و اوسي.
محمد صادق انقلابي دا خبره پرون شنبه (د نومبر په ۲مه) په کندهار کې د یوشمېر خصوصي او دولتي رسنیو له مسوولینو او خبریالانو سره د لیدو پر مهال کړې ده.
پهدې ناسته کې ګډونوالو د ځینو خصوصي رسنیو مسوولینو او خبریالانو ازادي راډیو سره خبرو کې چې د موضوع د حساسیت له امله یې نهغوښتل په راپور کې يې نومونه او غږونه خپاره شي، د یادې موضوع په بیانولو زیاته کړه چې، په دغه ولایت کې د خپل کار پر مهال له ګڼو ننګونو او محدودیتونو سره مخامخ دي.
ازادي راډیو ته د رسنیو دغو مسوولینو او خبریالانو د دې ناستې خبرپاڼه هم راستولې چې پهکې په کندهار کې د طالبانو د حکومت د مرستیال والي محمد صادق انقلابي په حواله راغلي: "کفري نړۍ په فزیکي جګړه کې له ماتي وروسته، اوس تبلیغاتي جګړې ته مخه کړې او تاسې (رسنۍ او خبریالان) په تبلیغاتي برخه کي د دې نظام دفاعي ځواک یاست."
د طالبانو له بياځلي واکمنۍ وروسته خبريالان له ګڼو کاري محدوديتونو سره مخامخ شوي دي.
انقلابي ویلي چې، خبریالان او رسنۍ باید د هېوادونو د ټولو منفي تبلیغاتو مخه ونیسي او هغه څه دې خپاره کړي چې په خبره یې د هېواد، نظام او ولس ګټې پهکې نغښتې وي.
دا خبرپاڼه په کندهار کې د طالبانو د حکومت د والي ویاند محمود عزام هم ازادي راډیو ته استولې ده.
د خبریالانو د ملاتړ ځینې بنسټونه خبریالانو او رسنیو ته د طالبانو حکومت د چارواکو داشان ویناوې د بیان د ازادۍ خلاف بولي او وایي چې، هيڅ نظام ازادې او خصوصي رسنۍ د خپلو تبلیغاتو لپاره نهشي مجبورولای.
لهدې ډلې د افغانستان د خبریالانو مرکز د اړیکو او عدالت غوښتنې د کمېټې مسوولې سمیې وليزاده د یکشنبې په ورځ ازادي راډیو ته وویل، رسنۍ او خبریالان د بې پرېتوب، دقت او توازن په چوکاټ کې باید ازاد فعالیت ته پرېښودل شي.
نوموړې وايي: "لهدې اصولو پرته نور که هر څه پر رسنیو اعمالېږي، محدودیت او د (رسنیو) له اصولو سرغړونه بلل کېږي، د خبریالانو او رسنیو حرفوي کار اغېزمنوي او په افغانستان دننه پر خبریالانو او رسنیو یو ډول سانسور تحمیلوي."
"په تېرو درې کلونو کې طالبانو دا هڅه کړې چې خبریالانو باندې فشار وارد کړي، محدود یې کړي، خبریالان وګواښيحامد عبيدي
د افغانستان د خبریالانو د ملاتړ سازمان سازمان مسوول حامد عبیدي بیا ازادي راډیو ته وویل چې، د طالبانو د حکومت د چارواکو دا ډول څرګندونې او کړنلارې د افغان خبریالانو او رسنیو له لارې له افغانستانه بهر ته د معلوماتو رسولو د مخنیوي هڅه ده.
هغه وايي: "په تېرو درې کلونو کې طالبانو دا هڅه کړې چې خبریالانو باندې فشار وارد کړي، محدود یې کړي، خبریالان وګواښي تر څو دوی اطلاعات بهرنیو رسنیو سره شریک نهکړي، دا د ژورنالېزم خلاف عمل دی او زه فکر کوم چې په ۲۱مه پېړۍ کې دا ناشونې ده."
خو په کندهار کې د طالبانو د حکومت د والي ویاند محمود عزام ازادي راډیو سره خبرو کې په دغه ولایت کې پر رسنیو د محدودیت خبره رد کړه او ویې ویل چې، د مرستیال والي محمد صادق انقلابي د خبرې هدف د ده په ټکو "د منفي تبلغاتو پر ضد، برحق نشراتو" ته د رسنیو هڅول دي.
دا پهداسې حال کې ده چې پهدې وروستیو کې ازادي راډیو سره خبرو کې یو شمېر خبریالانو او د رسنیو مسوولینو د کندهار په ګډون له ګڼو ولایتونو پر دوی د طالبانو د حکومت له لوري د بېلابېلو محدودیتونو خبره کړې دي.
د دې محدودیتونو په لړ کې یو هغه یې په رسنیو کې د ذي روحو یا ژوندیو موجوداتو د فلم او تصویر خپرولو بندیز دی چې، د طالبانو د حکومت د امربالمعروف په نوي قانون کې هم په صراحت لیکل شوې ده.
په دې اړه نور: د ژونديو موجوداتو پر انځورونو بنديزونه؛ طالب مشران يې په دوو برخو وېشليکه څه هم د طالبانو حکومت وړاندې ویلي چې، د اسلامي شریعت په چوکاټ او ملي ارزښتونو ته په پام کې نیولو سره د رسنیو فعالیت ته ژمن دي، خو د یادونې ده چې طالبانو د ۲۰۲۱ کال د اګست په میاشت کې واک ته تر رسېدو وروسته، پر ازادو رسنیو بېلابېل محدودیتونه لګولي او ان د یوشمېر رسنیو د کارکوونکو او مسوولینو په خبره دوی یې سانسور ته اړ ایستي دي.
دوی پهدې موده کې د دغو محدودیتونو په بهیر کې په رسنیو کې د موسیقۍ او ټلوېزیوني سریالونو او په ژوندۍ بڼه د سیاسي بحثونو خپرولو بندیز لګولی، د ښځینه کارکوونکو مخ پوښل یې جبري کړی، په ولایتونو کې یې په راډيويي خپرونو کې د نجونو او ښځینهو اړیکې اخیستل هم بند کړي او ان ځینې رسنۍ یې په بشپړه توګه بندې کړې هم دي.