د افغانستان د بېلابېلو ولایتونو یو شمېر مېرمنې وايي، د طالبانو د حکومت لهخوا پر موسیقۍ د بندیز له امله دوی د خپلې خوښې په محفلونو کې له چمبې یا دايره استفاده کوي.
دوی وايي، طالبان ان په نسبتاً لوړ غږ په محفلونو کې د موسيقۍ خپرولو ته هم اجازه نه ورکوي.
دوی ازادي راډيو ته دا هم وویل، د لوړ عمر لرونکې ښځې چمبه وهي او محلي سندرې بولي او ځوانان ورته محلي نڅا کوي.
د دايرهګانو یو شمېر پلورونکي هم تاییدوي چې د طالبانو د حکومت لهخوا پر موسیقۍ د بندیز له لګولو وروسته د د دايرو د پلور بازار ګرم شوی دی.
نور جزییات د لاندې لېنک په کېکاږلو سره اورېدلی شئ:
