په هند کې د افغانستان د تېر جمهوري نظام سفیر، په نوې ډیلي کې د افغانستان د سفارت د بیا پرانیستلو په اړه اندېښنه ښودلې ده.
په هند کې دوو ډیپلوماتانو پرون په نوې ډیلي کې د افغان سفارت د قونسلي چارو مسوولیت ومانه.
په حیدر اباد کې د افغانستان جنرال قونسل سید محمد ابراهیمخېل او په ممبۍ کې د افغانستان جنرال قونسلې ذکیې وردګ پرون په نوې ډیلي کې د سفارت په انګړ کې د افغانستان درې رنګه ملي بیرغ اوچت کړ.
دوی ویلي چې د حیدراباد او ممبۍ د قونسلي چارو تر څنګ به د سفارت قونسلي چارې هم پرمخ بیايي.
تېره اوونۍ په نوې ډیلي کې د افغانستان پخواني سفیر فرید ماموندزي د دې سفارت د دایمي تړل کېدو خبر ورکړی و.
زموږ همکار له ماموندزي سره مرکه کړې او پیل کې یې پوښتلی چې هند د کومو اهدافو لپاره د افغانستان سفارت د بیاپرانیستلو اقدام وکړ؟
د دې مرکې د اورېدو لپاره لاندې لېنک کېکاږلی شئ:
