د کابل په دشت برچي سیمه کې نن یوې چاودنې ۱۹ کسه ووژل او ۲۷تنه نور یې ټپیان کړل.
د طالبانو د حکومت د کورنیو چارو وزارت وايي چې چاودنه نن سهار د کاج په نوم په یو ښوونیز مرکز کې هغه مهال وشوه چې لسګونه نجونې او هلکان د کانکور د ازمایښتي ازموینې لپاره راټول شوي وو.
فرانسپرس د عیني شاهدانو په حواله راپور ورکړی چې په دې پېښه کې ډېری قربانیانې نجونې دي.
د دې برید مسوولیت تراوسه هېڅ یوې ډلې نهدی منلی.
احمد تکل په دې اړه د پخواني حکومت د وسلهوالو ځواکونو له ویاند اجمل عمر شینواري سره مرکه کړې او په پیل کې یې ترې پوښتلي دي چې د ده په اند دا برید به کومې ډلې کړی وي؟
د ښاغلي اجمل عمر شينواري مرکه د لاندې غږيز فايل په کېکاږلو اورېدلی شئ:
