د لاسرسۍ وړ لېنکونه

تازه خبر
یکشنبه ۳ تله ۱۴۰۱ کابل ۱۰:۲۵

کابل کې چاودنه؛ ۷ تنه وژل شوي او ۴۱ ژوبل دي


ارشيف

د کابل ښار وزير محمد اکبر خان جومات ته څېرمه چاودنې مرګ‌ژوبله واړوله.

د طالبانو د کابل امنيه قوماندانۍ وياند وايي، په ياده چاودنه کې ۷ کسان وژل شوي او ۴۱ نور ژوبل شوي دي.

سیمه‌ییزو رسنیو خبر ورکړی چې چاودنه هغه مهال وشوه، کله چې لمونځ کوونکي د جمعې له لمانځه د راوتو په حال کې و.

د کابل په وزیر محمد اکبرخان سیمه کې تر چاودنې وروسته د هغو څوارلسو ټپیانو له ډلې چې ایمرجنسي روغتون ته انتقال شوې دي، څلور تنو ساه ورکړې ده.

ایمرجنسي روغتون دا خبر په خپل ټویټر کې لیکلی دی.

د کابل د امنیه قومانداني ویاند خالد ځدران ازادي ته وویل چې چاودنه د وزیر محمد اکبر خان جامع جومات مخې ته وشوه چې قربانیان یې لمونځغاړي او نور ملکیان دي.

نوموړي ويلي: "نن د جمعې ماسپښین د کابل ښار وزیر اکبر خان جامع جومات مخې ته یو موټر چې چاودېدونکي مواد په‌کې ځای پر ځای و، منفجر شو او له بده مرغه زموږ عام هېواد وال چې د جمعې لمانځه تر ادا کولو وروسته جومات نه د راوتو په حال کې و، ۷ تنه شهیدان او د ماشومانو په ګډون ۴۱ نور ټپیان شول.امنیتي نهادونه هڅه کوي د دې وحشیانه عمل مسؤلین پیدا او په خپله سزا ورسوي."

تر اوسه د دې چاودنې مسوولیت چا په غاړه نه دی اخیستی، په تېرو پنځو ورځو کې دا دریمه چاودنه ده چې په کابل ښار کې کېږي.

XS
SM
MD
LG