په کندهار کې د طالبانو حکومت د شپږم ټولګیو څخه ښکته نجونې زده کوونکې، په دې پلمه چې عمرونه یې له ۱۳ کلونو لوړ دي له ښوونځیو ایستلي دي.
دغه نجونې چې ډېرې یې د پنځم او شپږم ټولګیو زده کوونکې دي ازادي رادیو ته ویلي، د طالب چارواکو لهخوا اوس ښوونځیو ته نه پرېښودل کېږي.
په عین وخت کې د طالبانو د حکومت د کندهار د پوهنې چارواکي هم مني چې د لوړ عمر لرونکي نجونې د ښکته ټولګیو څخه ایستل شوي او کورونو ته استول شوي دي.
بلخوا د کندهار اوسیدونکي وايي د ښځينه ښوونځیو تړل او نجوني ښوونځیو ته نهپرېښودل ټولنه د یوې لويي تاریکۍ سره مخ کوي.
دا په داسي حال کې ده چې دا مهال په ټول افغانستان کې د شپږم ټولګیو پورته ښوونځي د نجونو پرمخ تړل شوي دي.
نور تفصیل د صادق رښتیني په راپور کې د لاندې غږيز فايل په کېکاږلو اورېدلی شئ:
