د افغانستان د هواپېژندنې ادارې نن هم د افغانستان په یوولسو ولایتونو کې د سختو اورښتونو او سېلابونو د بهېدلو اټکل کړی دی.
دغې ادارې پرون په یوه اعلامیه کې ویلي، چې د شنبې تر څنګ نن یکشنبه هم په بدخشان، نورستان، کونړ، لغمان، ننگرهار، پنجشېر، کاپیسا، پکتیکا، لوگر، پکتیا او خوست ولایتونو کې د سختو اورښتونو او سېلابونو اټکل شوی دی.
دغې ادارې اټکل کړی چې په دغو ولایتونو کې به د اورښتونو اندازه له پنځلسو تر دېرشو ملي مترو پورې وي.
د طالبانو حکومت ویلي، د تېرو څو ورځو سختو اورښتونو او سېلابونو له کبله د مړو شمېر تر ۴۰ اوښتی دی.