د طالبانو حکومت په کابل کې د اسلامي دولت ډلې یا داعش پر ضد د عملیاتو د پیلولو اعلان وکړ.
د طالبانو د حکومت وياند ذبيح الله مجاهد وايي، چې دغه عمليات تېره شپه د کابل ښار د اتمې حوزې په مربوطاتو کې پيل شوي دي.
د کابل یو شمېر اوسېدونکي وايي چې په کابل ښار کې یې د چاودنو او ډزو غږونه اورېدلي دي.
د دغه خبر تر چمتو کېدو پورې د مرګ ژوبلې د کره شمېر او د عملیاتو د څرنګوالي په اړه معلومات نه دي ورکړل شوي.