د لاسرسۍ وړ لېنکونه

تازه خبر
جمعه ۳۰ غویی ۱۴۰۱ کابل ۰۱:۱۲

د کابل د پرونۍ چاودنې شاهدانو څه لیدلي؟


د کابل د پرونۍ چاودنې شاهدانو څه لیدلي؟
هيله ده انتظار وکړئ

No media source currently available

0:00 0:01:03 0:00

د کابل د دارالامان سیمې د علاالدین په درې لاره کې د خلیفه صاحب په جومات کې برید د رسمي ارقامو له مخې لس کسان وژلي خو د جومات خطیب سید فاضل آغا ویلي چې په پېښه کې ۵۰ کسان وژل شوي. اروپايي ټولنې د دې حملې په غبرګون کې ویلي دي چې په افغانستان کې د تاوتریخوالي زیاتېدل د ټولو افغانانو او نړیوالې ټولنې لپاره د جدي اندېښنې وړ دی. دې ټولنې په یوه بیان کې ویلي دي چې ترهګري په هېڅ دین او مذهب کې ځان نلري. اروپايي ټولنې د طالبانو پر حکومت غږ کړی چې د هېواد د وګړو امنیت خوندي کړي او د وروستیو حملو له عاملانو سره حساب کتاب وکړي. له دې مخکې د ملګرو ملتونو امنیت شورا، د افغانستان لپاره د امریکا ځانګړي استازي ټام ویسټ او نورو دولتونو او نړیوالو موسسو هم دا او د تېرو ورځو حملې غندلي او د هغو د سمدستي بندېدو غوښتنه ېې کړې. د ملګروملتونو امنیت شورا ویلي دي چې ټول دولتونه د تروریزم د هرې بڼې په ځپلو مکلف دي.

XS
SM
MD
LG