د افغانستان په ځینو سیمو کې د کوکنارو او نورو کښتونو وخت رارسېدلی، او د طالبانو حکومت بیا هم د پخوا په ډول د کوکنارو د کښت منع کولو په اړه د خپل مشر د فرمان پر عملي کولو ټینګار کوي.
د هرات ولایت اوسېدونکی عبدالبصیر (۲۳) کاله مخکې د کار او خپل واده د لګښت برابرولو لپاره ایران ته تللی و چې هلته معتاد شو، خو اوس یې خپله کوژدنه او اولادونه له لاسه وتلي او تش لاس خپل کلي ته راستون شوی دی.
د دایکنډي ولایت بزګران شکایت کوي چې د طالبانو حکومت که څه هم دوی د کوکنارو له کښت څخه منع کړي دي، خو له دوی سره یې د لازمو اقتصادي پروګرامونو او بديل کښت په برخه کې مرستې نه دي کړي.
د طالبانو حکومت ادعا کوي چې په ۲۰۲۴ میلادي کال کې له نشه يي موادو سره مبارزه کې بریالي وو او د کوکنارو له کښت سره یې د بزګرو تړاو یې راکم کړی دی.
د ژمي په رارسېدو او د هوا له سړېدو سره، د افغانستان د ښارونو په ځينو برخو کې د معتادینو مړینه هم ډېره شوې ده.
ملګرو ملتونو راپور ورکړی چې په روان میلادي کال کې په میانمار کې تر څلوېښت زره هیکټاره ډېر کښت له امله دا هېواد په نړۍ کې د دوهم کال لپاره د کوکنارو په کښت کې له افغانستان څخه مخکې شو چې په دې ډول په نړۍ کې د کوکنارو د کښت په قطار کې لومړی هېواد وبلل شو.
نور راوښيه
