د لاسرسۍ وړ لېنکونه

تازه خبر
سه شنبه ۲۵ زمری ۱۴۰۱ کابل ۱۰:۵۰

روانه اونۍ تاشکند کې د افغانستان په اړه نړیوال کنفرانس جوړېږي


د تاشکند ښار یوه څنډه

روانه اونۍ د دوشنبې په ورځ د افغانستان په اړه یو نړیوال کنفرانس د ازبکستان په پلازمېنه تاشکند کې جوړېږي.

هندي رسنیو راپور ورکړی، چې د ازبکستان په پلازمېنه تاشکند کې د جولای په ۲۵ او ۲۶ نېټه په جوړېدونکي کنفرانس کې به هندوستان هم ګډون وکړي.

هندي رسنیو د افغانستان د امنیت او اقتصادي ودې په نوم دا غونډه ځکه مهمه بللې چې د دوی په باور پر افغانستان د طالبانو د دوهم ځل واکمنېدو د یوه کال له تېرېدو وروسته جوړېږي.

په دې غونډه کې به د نړۍ د شلو هېوادونو او د څو نړیوالو ټولنو پلاوي برخه ولري او د افغانستان امنیتي وضعیت او بشري بحران به وڅېړل شي.

دې غونډې ته د طالبانو استازي هم دې بلل شوي خو د ازبکستان د بهرنیو چارو وزارت ټینګار کړی، چې دا بلنه د طالبانو د حکومت د رسمیت پېژندنې په معنا نه ده.

طالبان هم دغه نړیوال کنفرانس ته بلل شوي دي.
طالبان هم دغه نړیوال کنفرانس ته بلل شوي دي.

هندی ژورنالیست او شنونکی انند سهای چې د افغانستان په اړه د یوه کتاب لیکوال هم دی وايي، د تاشکند په غونډه کې د هند ګډون دا ښيي چې نوې ډېلي غواړي له طالبانو سره نژدې اړیکي وپالي او په نوییمه لسیزه کې د طالبانو له لومړي حکومت سره په اړیکو کې تېروتنه تکرار نه کړي.

هغه وايي: "هند له خپلو پخوانیو تېروتنو څخه زده کړه کړې ده؛ هغه مهال چې طالبان د مجاهدینو د حکومت له پرځېدو وروسته واکمن شول او هند له هغوی سره هېڅ ډول اړیکې نه لرل خو د روان کال په پیل کې هند د سیمې د استخباراتو د مشرانو د یوې غونډې کوربه و چې ازبکستان هم برخه په کې لرله. بحثونه اوس ټول پر افغانستان متمرکز دي. کله چې د تروریزم یا د سیمې د ثبات خبر کېږي د طالبانو تر واکمنۍ لاندې افغانستان د ټولو تر ذره بین لاندې وي."

هند د بشري مرستو په لړ کې تر اوسه زرګونه ټنه غنم افغانستان سره مرسته کړې او دا غنم د پاکستان له لارې افغانستان ته لېږدول شوي دي.
هند د بشري مرستو په لړ کې تر اوسه زرګونه ټنه غنم افغانستان سره مرسته کړې او دا غنم د پاکستان له لارې افغانستان ته لېږدول شوي دي.

ښاغلی سهای زیاتوي، چې افغانستان د هند نژدې او پخوانی ملګری هېواد دی چې نن له قحطۍ او نورو ستونزو سره لاس ګرېوان دی او هند غواړي مرسته ورسره وکړي.

سهای افغانستان ته د هند له خوا د غلې مرستې ته د اشارې په ترڅ کې وایي، چې نوې ډېلي غواړي په افغانستان کې خپل حضور وساتي خو نه د سفیر په کچه، نو ځکه یې کابل ته یو ډيپلومات استولی څو له افغانستان سره د هند د مرستو چارې همغږې کړي.

د نوموړي هندي شنونکي په باور تراوسه څو هندي پلاوي افغانستان ته تللي دي خو دواړه خواوې نه غواړي چې په اړه یې تبلیغات وشي.

د افغانستان د امنیتي وضعیت او اقتصادي پرمختګ په نوم له دې کنفرانس وروسته د جولای په ۲۸ او ۲۹مه د شانګهای د همکارۍ د سازمان غونډه هم په تاشکند کې په پام کې ده چې بې له شکه د افغانستان مسایل به پکې مطرح شي.

په دې سازمان کې افغانستان د څارونکي موقف لري.

XS
SM
MD
LG