په وروستیو دوو کلونو کې په اروپاکې خونړۍ حملې وشوې چې په ۲۰۱۶ میلادي کال کې تر ټولو زیاتې حملې په جرمني کې وې.
وروستۍ حمله یې د ډسمبر په نولسمه په برلین «Berlin» کې وه، په دغه حمله کې چې د برلین د کریسمس پر یوه ګڼه ګوڼې بازار د لارۍ په ذریعه وشوه، دولس کسان ووژل شول او ۴۸ تنه نورټپیان شول.
مشکوک حمله کونکی د انیس عامري په نوم یو۲۴ کلن تونسی وچې له حملې څلور ورځې وروسته د ډسمبر په درویشتمه په ایټالیا کې د پولیسو په ډزو ووژل شو.
په همدې ورځ د اسلامي دولت ډلې یوه وېډیو خپره کړه چې پکې نوموړی له حملې مخکې دغې سخت دریځې ډلې ته خپله وفاداري اعلانوي.
جرمني له دې مخکې د روان میلادي کال په جولای میاشت کې د درېیو خونړیو بریدونو شاهد و.
په دی میاشت یوه ایراني الاصله ځوان جرمن په مونشن «Munich» کې په ډزو لږترلږه نهه تنه ووژل.
ظاهرا له کومې سخت دریځې ډلې سره د هغه د اړیکومسله تایید نشوه.
یوه بل سوریایي ځانوژونکي چې په جرمني کې یې د پناه غوښتنه کړې وه، په باواریا Bavaria کې په یوه رستورانت کې پنځلس تنه ټپیان کړل.
د اسلامي دولت ډلې یا داعش د دغې حملې مسؤلیت په غاړه واخیست.
دریمه هم د باواریا Bavaria په یوه ریل ګاډي وشوه، یوه ځوان چې د افغان یا پاکستاني کډوال شک پرې شوی و، د چړې په ذریعه پرمسافرو برید وکړ او څو تنه یې ټپیان کړل.
هغه وروسته پولیسو په ډزو وواژ، د راپورونو له مخې د حملې پر وخت هغه د الله اکبر چیغې وهلې او د اسلامي دولت ډلې ته یې خپل بیعت اعلان کړ.
د جرمني ګاونډ فرانسه هم د روان میلادي کال په جولای کې د دو حملو شاهده و.
د فرانسې په نورماندې Normandy کې پر یوې کلیسا دوو سخت دریځو بریدو وکړ او د دغې شپاړسمې پېړۍ د کلیسا د ننه یې شپږ تنه یرغمل کړل.
حمله کونکو وروسته د کاتولیکې کلیسا د یوه ۸۵ کلن پادري مرۍ په داسې حال کې پرې کړه چې د الله اکبر نارې یې وهلې.
بله خونړۍ حمله چې د برلین حملې ته ورته وه، په همدې میاشت د فرانسې په نیس Nice کې وشوه.
یوه تونسي باروړونکې لارۍ د خلکو پرهغې ګڼه ګوڼه وروسته چې د فرانسې یوه ملي ورځ یې لمانځله.
په دغه حمله کې ۸۶ کسان ووژل شول او لږترلږه ۴۳۴ نورټپیان شول.
د فرانسې د ۲۰۱۵ کال پیل هم له حملو سره و.
د دې کال په جنوري میاشت کې دوه حملې وشوې، یوه په پاریس کې د طنزیه اونیزې چارلي ابدوCharlie Hebdo پردفتر او بله هم د پاریس پریوه بازار و.
وسله والو په په پاریس کې د چارلي ابدو پردفتر په برید کې ۱۲ تنه ووژل، بریدکونکو په یمن کې د القاعده تروریستي ډلې سره اړیکي درلودې.
بله حمله د پاریس د کوشرKosher پربازار وشوه چې حمله کونکی یوه ورځ وروسته له پولیسو سره په ډزو کې ووژل شو،بریدکونکی د اسلامي دولت ډلې یاداعش ملاتړی و.
دغه د بلجیم پلازمینه بروکسل Brussels هم د روان میلادي کال په مارچ میاشت کې د یوې خونړۍ حملې شاهد و.
د بروکسل پرمیترو او هوایي ډګر حمله کونکو چې ټول د بلجیم اتباع و، بریدوکړ چې په نتیجه کې یې ۳۲ تنه ووژل شول او په لسګونو نورژوبل شول.
دغه بریدکونکي هم له اسلامي دولت ډلې یا داعش سره تړلي و.
