د ملګرو ملتونو د بشري چارو د همغږۍ اداره یا اوچا وايي هره میاشت ۵۵ افغان ملکیانو ته د ماینونو په چاودنو کې مرګژوبله اوړي. اوچا دا خبره په خپله ایکس پاڼه لیکلې او ټينګار یې کړی چې سږ کال د ماین پاکۍ او د عامه پوهاوي لپاره نږدې ۲۲میلیونو ډالرو ته اړتیا ده.
د سوریې موقت ولسمشر احمد الشرع ویلي د سعودي عربستان له ولیعهد محمدبن سلمان سره یې د اړیکو د لا ښه والي او بشري او اقتصادي برخو کې پر هر اړخیزو همکاریو مفصلې خبرې کړي. سعودي عربستان د سوریې د کورنۍ جګړې پرمهال د بشار الاسد پرضد د یاغي ډلو مالي ملاتړ کاوه.
د شنبې په ورځ د مصر، اردن، سعودي عربستان، متحده عربي اماراتو، قطر، فلسطین او عرب ټولنې په ګډ بیان کې راغلي چې دوی له هر ډول طرحې سره چې په نتیجه کې یې فلسطینیان له خپلو اصلي مېنو بېځایه کېږي، مخالف دي.
د پاکستان د حکومت د لارښود په اساس، چې د ملګرو ملتونو د کډوالو عالي کمیشنرۍ د پاکستان څانګې په خپل وټسپ چینل خپور کړی، د افغان تابعیت اې سي سي کارت لرونکي افغان کډوال باید له لاهور او راولپنډۍ ووځي او افغانستان ته ستانه شي.
د کرکټ نړیوالې شورا ویلي چې عظمت الله عمرزي ۲۰۲۴ کال په یو ورځنیو نړیوالو لوبو کې په ښي لاس چټک باولنګ کاوه او په غوره توپ وهنې سره یې د افغانستان د ټیم په بریاوو کې د پام وړ رول ادا کړ.
د اسراییلو پوځ د لبنان د لسګونو کليو اوسېدونکو ته ويلي چې تر بلې خبرتيا پورې خپلو کورونو ته ستانه نه شي.
امريکا ته د افغانانو د انتقال يو بنسټ افغان اېويک وايي د کډوالۍ د پروګرامونو په ځنډ سره ۲۰زره افغانان او کورنۍ يې سمدستي اغېزمن شوي او له بې برخليکۍ سره مخ دي.
د ایران د سمندري ځواکونو قومندان علي رضا تنګسیري خبرداری ورکړی چې دا پوځي مانورنه د ده په خبره د هر ډول بهرني یرغل په وړاندې د مقابلې لپاره ترسره کېږي.
د طالبانو د کډوالو او بېرته راستنېدونکو وزارت وايي هغه ۸۸۲ افغان کډوال بېرته د پاکستان له زندانونو راخلاص شوي چې د کډوالۍ له کارتونو سربېره د پاکستاني پولیسو له خوا نیول شوي وو. د دغه وزارت په بیان کې راغلي دا کسان همدا جنوري میاشت نیول شوي وو او د دوی په هڅو بېرته راخوشې شوي.
د لوړې مراسم د سړې هوا په خاطر د کانګرس ودانۍ دننه ترسره کېږي. د راپورونو په اساس تمه کېږي چې ټرمپ به د ژمنې سره سم د کار په لومړۍ ورځ د کډوالۍ، مالیاتو او ځینو نورو مسلو په برخه کې یو لړ اجرايي فرمانونه لاسلیک کړي.
د اوربند په اوله ورځ تمه کېږي چې مازیګر مهال دری تنه یرغمل شوي اسراییلیان او یو شمېر فلسطیني بندیان سره تبادله شي. د غزې د اوربند او د یرغملو د خلاصون په اړه تړون د امریکا، مصر او قطر په منځګړیتوب ترلاسه شوی او ډونالډ ټرمپ د لوړې تر مراسمو یوه ورځ مخکې اجرا کېږي.
د افغانستان لپاره د پاکستان ځانګړی استازی وايي، اسلامآباد پرېکړه کړې چې د ګوادر بندر له لارې د افغان توکو د لېږد لپاره بانکي تضمینونه د بیمې له تضمینونو سره بدل کړي.
د افغانستان د کرکټ د ملي ټيم په اړه د رامنځته شویو لانجمنو بحثونو سربيره د کرکټ نړیوالې شورا په اتلانو جام کې د افغان ټيم حضور تاریخي یاد کړی. نړیوالې شورا د یکشنبې په ورځ د اتلانو جام لپاره د افغانستان د پنځلس کسیز سکواډ/نوملړ یادونه کړې.
اروپايي ټولنه پر سوریې د بندیزونو د لغوه کولو په اړه باندې د بحث لپاره د همدې جنوري په پای کې غونډه نیسي. ریاض یکشنبه د اروپا او منځني ختیځ د هېوادونو د بهرنیو چارو وزیرانو او استازیو د یوه کنفرانس کوربه وو چېرته چې ګډونوالو د سوریې په راتلونکي باندې بحثونه سره وکړل.
د کانګرس د ګډې جرګې مشري د امریکا اوسنۍ مرستیال ولسمشرې او په ټاکنو کې د ډونالډ ټرمپ سیالې کمالا هریس کوله. اغلې هریس د امریکا د راتلونکي ولسمشر په توګه د ۳۱۲ ټاکنیزو پلاوو په ګټلو د ډونالډ ټرمپ بریا تصدیق کړه. هغې همدارنګه د ۲۲۶ ټاکنیزو پلاویو په ترلاسه کولو خپله ماته هم تایید کړه.
د افغانستان په اکثرو ولایتونو کې دا څو ورځې واورې اوریږي چې د ګڼو سیمو مواصلاتي لارې یې تړلي او خلک یې له ستونزو سره مخ کړي دي.
د امریکا د منتخب ولسمشر ډونالډ ټرمپ د نږدې متحد ایان مسک او د جرمني د صدراعظم اولاف شولڅ ترمنځ لفظي شخړه اوج ته رسېدلې.
افغانستان یو له هغو هېوادونو دی چې لکونه ماشومان یې بیلابیلې ناخوالې ګواښي چې تر ټولو مهم یې د غذايي مصوونیت نشتوالی او له امله یې زیاتېدونکې خوارځواکي، له تعلیم محرومیت، طبیعي پېښې، کډوالۍ او بې کوري ده.
په جنوبي کوریا کې د الوتکې د ټکر د پېښې د مړو شمېر ۱۷۹ ته ورسېد. یواځې دوه کسان ژوندي پاتې دي. د جنوبي کوریا په موان هوايي ډګر کې یکشنبه سهار یوه مسافروړونکي الوتکه چې له ټایلند څخه جنوبي کوریا ته رسېدلې وه د ناستې پر مهال له رنوې ووتله او په یوه دیواله ولګېده.
نور راوښيه
