په افغانستان کې د بشري حقونو د وضعیت په اړه د ملګرو ملتونو سازمان ځانګړی راپور ورکوونکی ریچارډ بېنیټ وايي، د طالبانو لهخوا پر افغان نجونو او ښځو لګېدلي بندیزونه جدي څاري.
بېنیټ دا محدویتونه او بندیزونه د بشري حقونو څخه سرغړونه بولي.
ریچارډ بېنیټ پرون له امریکا غږ سره مرکه کې ویلي، له نړیوالې محکمې غواړي، چې د طالبانو له خوا ښځو سره د جنسیت پر بنسټ چلند او ځورونه وڅېړي.
په دې اړه زموږ همکار مرسلین ارسلا له مدافع وکیلې او د بشري حقونو له فعالې شګوفې کاکړ سره مرکه کړې او په پیل کې یې ترې پوښتلي، دې ته په کتو چې تر اوسه په افغانستان کې پخوانیو جرمي قضیو ته رسېدنه نه ده شوې، یاده محکمه به وکړای شي، چې دې موضوع ته په مسوولانه ډول رسېدنه وکړي؟
د دې مرکې د اورېدو لپاره لاندې لېنک کېکاږئ:
