یوه پاکستاني پلاوي نن بیا هم په کابل کې د پاکستاني طالبانو له مشرانو سره خبرې پیل کړې دي.
دا پلاوی پرون په هغه ورځ کابل ته ورسېد چې د پاکستان د دیني عالمانو یوه بله ډله له افغانستانه خپل هېواد ته ستنه شوه.
د دې پلاوي مشري د خیبر پښتونخوا د اعلی وزیر سلاکار محمد علي سیف کوي او په ترکیب کې یې د پاکستان د پارلمان اوسني او پخواني غړي او قبایلي مشران شامل دي.
ښاغلي سیف نن غرمه مهال د آزادۍ راډیو مشال څانګې ته په یوه لیکلي پیغام کې وویل، چې دوی د تحریک طالبان پاکستان له مشرانو سره په خبرو بوخت دي.
پاکستاني پلاوي د طالبانو د حکومت د کورنیوچارو له سرپرست وزیر سراج الدین حقاني سره لیدلي خو په دې اړه نور جزییات نه دي ورکړل شوي.
د دې خبرو منځګړتوب د طالبانو حکومت کوي.
په دې اړه د نور تفصیل د آزادۍ راډیو د مشال څانګې له خبریال طاهرخان څخه د یوې مرکې په ترڅ کې واورئ.
د دې مرکې د اورېدو لپاره لاندې لېنک کېکاږئ:
