د ملګرو ملتونو د ښځو ادارې په یوه راپور کې ویلي چې له نیمایي څخه زیاتې افغان ښځې په میاشت کې تر دوو ځلو زیات له خپلو کورونو نه وځي، او له هرو لسو ښځو څخه نهه یې وايي چې له کوره د وتلو لپاره د کورنۍ د یوه نارینه غړي اجازې ته اړتیا لري.
پنځه کاله وشول چې د ښځو د حقونو فعالانې د افغانستان دننه او بهر له نړیوالې ټولنېسره په ګډه کار کوي څو پر طالبانو باندې فشار راوړي چې پر ښځو لګیدلي بندیزونه لیرې کړي. فریدې سیال په دې مرکه د ښځو د حقونو له فعالې وژمې توخي سره په دې بحث کړی چې ولې طالبان په خپلو پالیسو کې بدلون نه راولي
د طالبانو تر واک لاندې افغانستان کې زرګونه نوې دیني مدرسې تاسیس شوي اوفعالیت کوي چې ځینو کی یې نجونې هم زده کړې کوي خو د نصاب او د تدریس د څرنګوالي په هکله یې پوښتنې او اندیښنې شته. د زده کړو فعالان او کارپوهان وايي د دیني مدارسو نصاب او په کې د تدریس څرنګوالی بدلون ته اړتیا لري.
افغانستان د نړۍ په مخ د زیږون لپاره له «بدو» ځایونو ګڼل کېږي. په هرو ۱۰۰زرو زیږونو کې لږ تر لږه ۶۰۰ افغان میندې مري. صفي الله ستانکزي په دغه ویډیويي راپور کې د افغانستان دغې تراژیدۍ ته کتنه کړې چې ولې د زیږون پر مهال افغان میندو ته ورپېښ خطرونه په زیاتېدو دي.
پر افغانستان د طالبانو پنځه کاله پوره شول. طالبانو د ژمنو سربیره د نجونو پر مخ د ښوونځیو دروازې بندې دي او ښځې له کاره راگرځول شوي. فریدې سیال په دې مرکه کې د ښځو د حقوقو له فعالې حنیفې ګیرووال سره د طالبانو له خوا پر افغانو ښځو د بندیزونو او حل لارو په اړه خبرې کړي دي.
