د پولنډ د بهرنیو چارو وزیر رادوسلاو سیکورسکي وایي، د امریکایي او اوکرایني چارواکو ترمنځ په سعودي عربستان کې له شوې موافقې وروسته د پولنډ له سرحدي لارې اوکراین ته د امریکا د پوځي مرستو لیږد بېرته پیل شوی دی.
د سوریې په لویدیز کې د تاوتریخوالي د راپورته کیدو له امله، ددې هېواد انتقالي حکومت د دې توان په اړه پوښتنې راپورته شوې دي چې آیا دا حکومت د خپلو اړوندو ډلو کنټرول ساتلی شي او که نه. همداراز، دې پیښې د روسیې او ایران ښکیلتیا ته هم جدي پام اړولی دی.
روسیې او اوکراین د دوی ترمنځ د اوربند تر وړاندیز څو ساعته وروسته تېره شپه یو پر بل هوایي بریدونه کړي دي.
د اوکراین او امریکا جګپوړي چارواکي د سعودي عربستان په جده ښار کې یوې مهمې غونډې کې راغونډ شوي، څو د روسیې سره د جګړې د پای ته رسولو په اړه خبرې وکړي. دا خبرې اترې داسې مهال کېږي چې د کییف او واشنګټن ترمنځ اړیکې ترینګلې شوې او اوکراین او روسیې ترمنځ د جګړې ډګرونه هم تاوده شوي دي.
د اوکراین ولسمشر ولودیمیر زیلینسکي د خپل هېواد د چارواکو او امریکايي مقاماتو ترمنځ د مهمو خبرو اترو په درشل کې د دوشنبې په ورځ د سعودي عربستان جدې ښار ته ورسېد، او هلته یې د دغه هېواد له ولیعهد، شهزاده محمد بن سلمان، سره ولیدل.
د سوریې حکومتي ځواکونو او د مخلوع ولسمشر بشار اسد وفاداره ځواکونو تر منځ په وروستیو نښتو کې سلګونو کسانو ته مرګژوبله رسېدلې ده. اخوا د سوریې ولسمشر احمد شرع د پخواني رژیم ملاتړو ځواکونو ته خبرداری ورکړی چې خپلې وسلې او ځانونه تسلیم کړي.
ملګرو ملتونو د ښځو ادارې د ښځو د نړیوالې ورځې د بدلونونو لنډ تاریخ خپور کړی، چې پکې د تېرې پیړۍ مهمې شیبې او لاسته راوړنې راخېستل شوي دي.
د امریکا ولسمشر ډونالډټرمپ وايي چې پر اوکراین د روسې پراخو عملیاتو ته په پام سره دی پر روسیې د پراخو بندیزونو د لګولو په اړه غور کوي.
د سوریې د جګړې د څار سازمان نن د جمعې په ورځ خبر ورکړی چې د نوې حکومت د امنیتي ځواکونو او د پخواني رژیم د وفادارو وسلوالو ترمنځ نښتو کې ۷۰ کسان وژل شوي دي. دا نښتې د سوریې په ساحلي سیمو کې شوې، هغه سیمې چې د مرکزي حکومت له کنټرول څخه بهر وې.
نور راوښيه
