د طالبانو حکومت وايي، په کابل کې د امریکا د بې پیلوټه الوتکې په وروستي برید کې داسې مواد کارول شوي چې هرڅه یې له منځه وړي دي.
د امریکا ولسمشر جوبایډن د اګسټ په لومړۍ نېټه اعلان وکړ، چې د جولای د ۳۱ مې په سهار د امریکا په برید کې د القاعده شبکې مشر ایمن الظواهري په کابل کې په خپل استوګنځي کې وژل شوی دی.
د امریکايي چارواکو په وینا په دې حمله کې له هیل فایر ډوله توغندي څخه کار اخیستل شوی دی.
خو د طالبانو د حکومت ویاند ذبیح الله مجاهد د آزادۍ راډیو د یوې پوښتنې په ځواب کې په یوه پیغام کې لیکلي دي، چې په دې برید کې له داسې موادو کار اخیستل شوی دی چې هرڅه یې له منځه وړي او د ده په وینا دوی حتی د برید په ځای کې د چا جسد هم نه دی موندلی.
دا خبره څومره ممکنه ده؟ د پوځي چارو کارپوه اسدالله ندیم له ازادۍ راډیو سره په خبرو کې د هیل فایر توغندیو پر څرنګوالي خبرې کړي.
له احمدتکل سره د مرکې په پیل کې ښاغلی ندیم لومړی دې پوښتنې ته ځواب وايي، چې د طالبانو بیان د امریکايي چارواکو له ادعا سره څومره سمون لري؟
د دې مرکې د اورېدو لپاره لاندې لېنک کېکاږئ:
Your browser doesn’t support HTML5
ندیم سره مرکه