طالبان وایي، په افغانستان کې د حجاب امر د افغانانو کورنۍ مسئله ده، خو واشنګټن ویلي دي چې د دې پرېکړې له امله به د دوی پر حکومت فشارونه زیات کړي.
بل لور ته د طالبانو له لورې د ښځو د حجاب د اجباري کېدو د غبرګونونو په ترڅ کې د افغانستان د بشري حقونو د خپلواک کمېسیون پخوانۍ مشره شهرزاد اکبر د نړۍ پر مشرانو غږ کړی دی چې د افغان ښځو ملاتړ دې وکړي.
مېرمن اکبر په ټویټر کې لیکلي دي، چې هیله منه ده چې د کابل په واټونو کې د دې په وینا د افغان مېرمنو مړانه، ژمنه او روحیه نړیوالو ته الهام ورکړي.
I wish the courage, commitment & spirit of Afghan women marching the streets of Kabul inspires the world “leaders” to combat patriarchy & oppression in Afghanistan & across the world, so we can all live in a better world. However, such courage is very unlikely for these “leaders”
— Shaharzad Akbar (@ShaharzadAkbar) May 10, 2022
مېرمن اکبر زیاته کړه، چې د نړۍ مشران دې له پرونۍ مظاهرې الهام واخلي او د مردسالارۍ یا نرواکۍ او ظلم پرضد دې مبارزه وکړي.
Your browser doesn’t support HTML5
کابل کې د معترضو ښځو لاریون، «برقع زموږ حجاب نه دی»
په کابل کې د سې شنبې په ورځ یو شمېر مېرمنو د حجاب په اړه د طالبانو د تازه فرمان په اړه اعتراض وکړ او ویې ویل چې دا فرمان د ښځو او نجونو د ازادیو مخه نیسي.
په نړیواله کچه د امریکا متحد ایالتونو، چې نږدې شل کاله یې په افغانستان کې ځواکونه و، د دوشنبې په ورځ وویل، که طالبان د حجاب په برخه کې خپلې پرېکړې ته بیا کتنه نه کړي، واشنګټن به د دوی پر حکومت فشارونه زیات کړي.
د دې په ځواب کې د طالبانو د حکومت مرستیال ویاند انعام اله سمنګاني پرون په یوه ویډیویي پیغام کې وویل چې د حجاب مسئله د افغانانو کورنۍ او اعتقادي مسئله ده، امریکا دې بلې اساسي مسئلې ته پاملرنه وکړي.
واکنش انعامالله #سمنگانی معاون سخنگوی امارت اسلامی در پیوند به اظهارات سخنگوی وزارت خارجه #امریکا در باره حجاب.سمنگانی: مسئله #حجاب؛ مسئله داخلی، عقیدوی و مذهبی افغانها است pic.twitter.com/t75l1BUDzO
— Bakhtar News Agency (@BakhtarNA) May 10, 2022
هغه زیاته کړه: "د امریکا متحد ایالتونه دې د واقعي بشري موضوعاتو په اړه چې بندیزونه یې لګولي دي او افغان ټولنه یې له اقتصادي ستونزو سره مخامخ کړې ده، هڅې وکړي."
د طالبانو له لورې د حجاب له اجباري کېدو پرته دوی له شپږم ټولګي پورته د نجونو ښوونځي بند کړي دي چې د ګڼو افغانانو او نړیوالې ټولنې غبرګونونه یې پارولي دي.
طالبانو د خپلې لومړۍ واکمنۍ پرمهال له ۱۹۹۶ تر ۲۰۰۱ کلونو پورې هم پر افغان ښځو سخت حجاب جبري کړی و او هم یې نجونې او ښځې له زده کړو او کاره بې برخې کړې وې.