د افغانستان ولسمشر محمد اشرف غني او د مصالحې عالي شورا مشر عبدالله عبدالله د امریکا په ټاکنو کې بریالي نوماند جوبایډن مبارکي ویلې ده.
ښاغلي غني په خپلې ټويټرپاڼې لیکلي، امریکا سره به د ترورېزم او سولې راوستو برخه کې ګډ کار کوي او دغه شان یاد هېواد سره به خپلې ستراتیژیکي اړیکې لا پیاوړې کړي.
Congratulations to President-elect @JoeBiden & Vice President-elect @KamalaHarris. Afghanistan looks forward to continuing/deepening our multilayered strategic partnership w/ the United States—our foundational partner—including in counterterrorism & bringing peace to Afghanistan.
— Ashraf Ghani (@ashrafghani) November 8, 2020
د ولسمشرۍ ماڼۍ مرستیال ویاند دواخان مينهپال د امریکا نوي ټاکل شوي ولسمشر جوبايډن ته د افغان ولسمشر د مبارکې پیغام په اړه ازادي راډیو وویل: "د افغانستان جمهور رئیس د امریکا نوي ولسمشر جوبایډن او د هغه مرستیالې ته مبارکې ورکړه، ولسمشر هیله څرګنده کړه چې د دواړو هېوادونو ترمنځ د ستراتیژیکو اړیکو په رڼا کې اړیکې نورې هم پياوړې شي او د سولې او ترهګرۍ سره د مبارزې برخې کې به ګډ کار وکړي."
د افغانستان پخواني ولسمشر حامد کرزي هم په خپله ټويټرپاڼې لیکلي، هیله لري چې له افغانستان سره د بایډن د ادارې پالیسي او اړیکې پر سولې او ثبات راوستلو متمرکزې وي.
Congratulations and best wishes to @joebiden and @kamalaharris on being called upon to serve the American people. President-elect Joe Biden called for unity and healing, the right call for a noble cause. We need the same in #Afghanistan in a much deeper and more profound way... pic.twitter.com/8EM6ZpdjUH
— Hamid Karzai (@KarzaiH) November 8, 2020
د امریکا ولسمشریزو ټاکنو د جوبایډن بریا عام افغانان هم په دغه هېواد کې سولې ته هیله من کړي دي.
د کابل ښار اوسېدونکې هیله وايي: "خوشبینه باید واوسو ځکه کله چې ډیموکراټان واک ته رسېدلي، تر ډېره یې افغانستان کې مثبت بدلون راوستی دی، نو کله چې جوبایډن واک ته رسېږي نو کېدلی شي د سولې پروسه د افغان حکومت او طالبانو ترمنځ یو څه پرمختګ وکړي.
د کابل ښار یو بل اوسېدونکی حامد وویل: "زه فکر کوم د جوبايډن بریا به د افغانستان د سولې برخه کې مهم اغېز ولري، د افغان سولې خبرې به یو څه وځنډول شي، خو ډاډه یم له سره به نیول کېږي او جوبایډن به د جمهوریت په حق کې وي."
بل خوا په قطر کې د افغان حکومت مرکچي پلاوي غړې شریفه زرمتۍ وايي، هیله لري چې د امریکا نوې رهبري افغان حکومت او طالبانو سره د افغان سولې برخه کې جدي کار وکړي او په بین الافغاني مذاکراتو کې د افغانانو یوازنۍ غوښتنې اوربند ته لومړیتوب ورکړي.
ارشیف، د افغان حکومت مرکچي پلاوي غړې شریفه زرمتۍ
نوموړې وايي: "هیله مې همدا ده چې د امریکا متحده ایالاتو نوې رهبري هم په افغانستان کې د اوسنۍ بحران د حل لپاره د افغان ولس، دولت او طالبانو سره په ګډه باندې دې مسئلې ته جدي کتنه وکړې او له هرڅه وړاندې دوی هم اوربند ته لومړیتوب ورکړي."
د قطر په پلازمېنې دوحه کې د افغان حکومت او د طالبانو د مرکچي پلاوو ترمنځ له شااو خوا دوه میاشتو راهیسې خبرې روانې دي، خو تراوسه یې لا د خبرو کړن لاره نهده وروستۍ کړې.
خوشبینه باید واوسو ځکه کله چې ډیموکراټان واک ته رسېدلي، تر ډېره یې افغانستان کې مثبت بدلون راوستی
د امریکا نوی ټاکل شوی ولسمشر جوبایډن له تېرو ۴۷ کالونو راهیسې د هغه هېواد په سیاست کې پاتې شوی او د ولسمشر ټرمپ واک ته تر رسېدلو مخکې اته کاله د بارک اوباما مرستیال و.
په افغانستان کې د ډېریو تحلیل دا دی چې جوبایډن د ډونالډ ټرمپ پرتله له افغانستانه ښه پېژندنه لري، نو کولی شي چې ډېر ژر د افغان سولې برخې کې ښې لاسته راوړنې ولري.
د نړیوال چارو کارپو سید خالد سادات وايي، په قطر کې د افغان سولې په اړه روانې خبرې او د امریکا له لوري د جګړې ختمول د امریکا بهرني سیاست لپاره لویه لاسته راوړنه ده هغه څه چې د بایډن لپاره هم مهم دي.