په کابل کې تر پرونۍ چاودنې وروسته د پرځېدلي جمهوري نظام د امنیتي او دفاعي ځواکونو ویاند جنرال اجمل عمر شینواری وایي چې طالبان د امنیت په نیولو کې پاتې راغلي.
دا په کابل کې روانه اوونۍ دوهمه چاودنه وه.
لومړۍ چاودنه شنبه په دشت برچي کې وشوه. دواړو چاودنو کې ګڼو ملکیانو ته مرګژوبله اوښتې او مسوولیت یې داعش ډلې منلی.
جنرال شینواري ازادي راډیو سره په مرکه کې وویل چې طالبان د کابل د امنیت د ټینګښت لپاره لازم ظرفیتونه نه لري او د داعش بریدونه نه شي مهارولی.
له شینواري سره صفي الله ستانکزي مرکه کړې او په سر کې یې دا پوښتنه ورڅخه کړې چې د کابل امنیت څومره مهمه دی او ایا طالبان سمه پاملرنه ورته نه کوي که څنګه؟
د دې مرکې د اورېدو لپاره لاندې لېنک کېکاږلی شئ:
