د لاسرسۍ وړ لېنکونه

تازه خبر
پنجشنبه ۹ وری ۱۴۰۳ کابل ۰۴:۱۵

د ټاکنو کمېسیون د رأیو د بیاشمېرنې او تفتیش لړۍ ودروله


د ټاکنو کمېسیون د یوشمېر کاندیدانو او سیاسي ګوندونو له مخالفت سره سره، د ۸۲۵۵ محلونو د رأیو بیا شمیرنه او تفتیش د تېرې شنبې په ورځ پیل کړ.
د ټاکنو کمېسیون د یوشمېر کاندیدانو او سیاسي ګوندونو له مخالفت سره سره، د ۸۲۵۵ محلونو د رأیو بیا شمیرنه او تفتیش د تېرې شنبې په ورځ پیل کړ.

د یوشمیر انتخاباتي ټیمونو او سیاسي اړخونو له پراخو اعتراضونو وروسته، د افغانستان د انتخاباتو خپلواک کمېسیون په ټولو ولایتونو کې د رأیو د بیاشمېرنې او تفتیش لړۍ ودروله.

د دغه کمېسیون چارواکو د چهارشنبې په ورځ (عقرب ۲۲مه) ازادي راډیو ته وویل، دا اقدام یې د ځینو انتخاباتي ټیمونو او سیاسي ګوندونو غوښتنو ته د رسیدګۍ لپاره کړی.

د دې کمېسیون یوه ویاند عبدالعزیز ابراهیمي آزادي راډیو ته وویل: "د انتخاباتو د خپلواک کمېسیون د رهبرۍ د فیصلې پر اساس د رأیو د بیا شمیرنې او تفتیش لړۍ د انتخاباتي ټیمونو او سیاسي اړخونو غوښتنو ته د رسیدنې په هدف، تر بلې پریکړې ودرول شوه."

د ټاکنو کمېسیون د یوشمېر کاندیدانو او سیاسي ګوندونو له مخالفت سره سره، د ۸۲۵۵ محلونو د رأیو بیا شمیرنه او تفتیش د تېرې شنبې په ورځ پیل کړ.

خو د عبدالله عبدالله، ګلبدین حکمتیار او رحمت الله نبیل په مشرۍ انتخاباتي ټیمونو دا لړۍ تحریم کړه.

د انتخاباتو خپلواک کمېسیون تردې وړاندې ویلي وو چې د جمهوري ریاست د انتخاباتو لومړنۍ پایلې به د لړم میاشتې په ۲۳مه یعنې سبا د پنجشنبې په ورځ اعلان کړي.

خو اوس چارواکي وايي، د انتخاباتو د لومړنیو پایلو اعلان د رأیو د بیاشمیرنې او تفتیش بشپړیدو پورې تړاو لري.

په ورته وخت کې د انتخاباتي شکایتونو کمېسیون د انتخاباتو کمېسیون دا اقدام پرځای بولي.

خو ددغه کمېسیون غړي او ویاند محمد قاسم الیاسی آزادي راډیو ته وویل، د رأیو د بیاشمېرنې او تفتیش د لړۍ ځنډول باید ډېره اوږده نه وي.

هغه وویل: "که چېرې دا ځنډول د انتخاباتي ټیمونو د رضایت سبب شي، زما له نظره بد کار نه دی، خو دا ځنډ باید اوږد نه وي او د یوې یا دوه ورځو لپاره وي، ترڅو د انتخاباتي ټیمونو نظر واخیستل شي."

دا په داسی حال کې ده چې د افغانستان د انتخاباتو د شفافیت د څارنې شبکې نن (عقرب ۲۲مه) د جمهوري ریاست د انتخاباتو د پایلو پر ځنډولو سخت انتقاد وکړ.

ددغې شبکې غړو د انتخاباتو کمېسیون د غړیو ترمنځ رامنځ ته شوي جنجالونه د انتخاباتو لپاره خطرناک وبلل.

د ولسی جرګې په عمومي غونډه کې هم په دې اړه ډول ډول نظرونه خپاره شول.

د جرګې ځینو غړو ویل چې د انتخاباتو د پایلو ځنډېدل پرانتخاباتو منفی اغیز لري، خو ځینو نورو بیا ټینګار کاوه چې انتخابات یوه مهمه سیاسي پروسه ده او باید په ډېر دقت سره پرمخ ولاړه شي.

XS
SM
MD
LG