په کندز ولایت کې خلک شکایت کوي چې له دوه ورځو راهیسې د "روشن" او "سلام" مخابراتي شبکو ۲۴ ساعته خدمتونه بند شوي چې له کبلهیې خلکو ته ډېرې ستونزې زېږولې دي.
دغه دوه مخابراتي شبکې پهداسې حال کې غیر فعالېږي چې د ۹ میاشتو راهیسې د دغه ولایت په کچه د مخابراتي شبکو سیستم د مازیګر له ۴ بجو د سهار تر ۷ بجو پورې غیر فعاله وي او له کبلهیې خلک د شپې لهخوا انټرنټ او مخابراتي شبکو ته لاسرسی نهلري.
د کندز دوو تنو اوسېدونکو هر یو اسدالله او نظر محمد ازادي راډيو ته وویل:
"له دوه ورځو راهیسې په کندز کې د «سلام» او د «روشن» مخابراتي شبکې بندې شوې دي، دمګړۍ موږ نهشو کولای چې انټرنټ وکاروو او همدا شان نهشو کولای چې له خلکو سره اړیکه ونیسو."
"له ۹ میاشتو راهیسې په کندز کې مخابراتي شبکې د شپې لهخوا غیر فعال دي او په دې دوو ورځو کې د «سلام» او «روشن» شبکې د ورځې لهخوا خرابې شوي او دغې مسئلې خلک له ډېرو ننګونو سره مخ کړي، موږ له دولته غواړو چې دغې ستونزې ته د حللاره پیدا کړي."
د دې ولایت خلک وايي چې د کندز سیمهییزو چارواکو په وار وار له خلکو سره ژمنې کړې وې چې ډېر ژر به د مخابراتي شبکو ستونزو ته د پای ټکې ږدي، خو لا دغه ژمنې نهدي عملي شوي.
اوسمهال په کندز کې یوازې د «افغان بیسیم»، «اتصالات» او «اېم. ټي. اېن» مخابراتي شکبې فعاله دي، خو دغه درې شبکې هم د شپې لهخوا غیر فعاله وي.
د کندز یو تن اوسېدونکی سید عمر د مخابراتي شبکو د ستونزو په اړه وايي:
"د مخابراتي شبکو په غیر فعالېدو سره خلک له ډېرو ستونزو سره مخ شوي، ځکه کندز یو ناامن ولایت دی، هره ورځ پهکې جنګ او جګړې وي او نهشو کولای چې له یو بله خبر واخلو، دولت باید د کندز خلکو ستونزو ته رسیدګي وکړي."
خو له دې وړاندې ذبیحالله مجاهد چې ځان د وسلهوالو طالبانو ویاند معرفي کوي، رسنیو ته ویلي و چې په کندز کې د شپې لهخوا د مخابراتي شبکو پر فعالیتونو د دوی لهخوا بندیز لګول شوی دی.
خو د کندز سیمهییز چارواکي وايي چې امنیتي ارګانونو پهدې اړه خپلې هڅې پیل کړي او ډېر ژر به دغې ستونزې ته د پای ټکې کېښودل شي.
خو دا روښانه نهده چې کله به دغې ستونزې ته د پای ټکی کېښودل شي، ځکه له دې وړاندې هم د کندز سیمهییزو چارواکو ویلي وو چې ډېر ژر به دغه ستونزه هواره کړي، خو لا یې څرک نهلیدل کېږي.
خو سره له ډېرو هڅو ازادي راډیو ونهتوانېده چې پهدې اړه په کندز کې د مخابراتي شبکو د چارواکو نظر هم واخلي.
د کندزیانو په وینا چې د مرکزي حکومت او د سیمهییزې ادارې د بېغورۍ له کبله هره ورځ په دغه ولایت کې ستونزې او ننګونې مخ په زیاتېدو دي، خو دولتیې پر وړاندې چوپتیا غوره کړې او دغو ستونزو د خلکو ژوند له بېلابېلو ننګونو او ستونزو سره مخ کړي دي.
راپور: اجمل ارین
