د پاکستان پوځ په یوه خبرپاڼه کې د افغانستان د ملي دفاع د وزارت دا ادعا چې د خېبر څلور په نوم عملیات ګټه نهکوي، رد کړه.
په خبرپاڼه کې ویل شوي چې دغه ډول څرګندونې د سیمې د امنیت په ګټه نهدي او باید ډډه ترې وشي.
د پاکستان پوځ وایي چې د دې عملیاتو په اړهیې دوه ځله له افغان چارواکو سره شفاهي او په لیکلي ډول معلومات شریک کړي دي.
د افغانستان د ملي دفاع وزارت دا مني چې په شفاهي ډول موضوع له دوی سره شریکه شوې ده، خو د دفاع وزارت ویاند جنرال دولت وزیري ازادي راډيو ته وویل چې موافقه پر دې نهوه شوې چې پاکستان به په خپل سر د ډیورند کرښې ترڅنګ عملیات کوي.
وزیري وايي:
"شفاهي فیصله شوې وه چې هغه اهداف چې د پاکستان په خاوره کې دي، پر هغو اهدافو به چې موږ یې دوی ته معلومو عملیات کوي او لهمنځه بهیې وړي، چې څارنه بهیې امریکا او چین کوي او که دوی کوم هدف په افغانستان کې ټاکي، هغه دې موږ ته راکړي موږ به هغه د چین او امریکا تر څارنې لاندې لهمنځه یوسو. اوس دوی په خپل سر له کرښې سره نېږدې عملیات پلان کړي او پیل کړي دي، دلته خو د ترهګرو مرکزونه نهشته."
د پاکستان پوځ د یکشنبې په ورځ د خېبر اېجنسۍ په قبایلي سیمه کې د خېبر څلور په نوم عملیات پیل کړل.
د پاکستان د پوځ ویاند اصف غفور وایي چې دا عملیات د خېبر په راجګال درې کې روان دي، ترڅو د افغانستان له لوري د پاکستان خوا ته د داعش د نفوذ مخه ونیسي.
راجګال د ننګرهار اچین ولسوالۍ ته نېږدې پرته سیمه ده.
په اچین کې افغان ځواکونه وایي چې د داعش مرکزونهیې لهمنځه وړي دي.
د افغانستان دفاع وزارت وایي چې تر اوسه د داعش درې مشران په افغانستان کې وژل شوي او پاکستان په خپله خاوره کې یو مهم ترهګر هم نهدی وژلی.
جنرال وزیري وویل:
"د داعش دا درېیم مشر دی چې ابو سعید د جولای په ۱۱مه په کونړ کې ووژل شو، تر دې مخکې یې نور مشران لهمنځه ولاړل. موږ په هېڅ ډول اجازه نهورکوو چې په افغانستان کې ترورېستان مرکز جوړ کړي یا یې مشر دلته ځای پیدا کړي، که پاکستان له موږ سره هدف شریک کړي موږ یې لهمنځه وړو."
د افغانستان حکومت وایي چې پاکستان تهیې ۸۶ هدفونه په نښه کړي وو چې عملیات پرې وکړي، خو تر اوسهیې پر دغه یوه هم برید نهدی کړی.
په خېبر دره کې تر خېبر څلور مخکې پاکستاني پوځیانو د خېبر یو، خېبر دوه، خېبر درې او تر هغه مخکې په درېیو نورو نومونو پوځي عملیات ترسره کړي وو.
