د لاسرسي لېنکونه

دوشنبه ۱ لړم ۱۳۹۶ کابل ۰۴:۰۶

ولسي جرګې د ۴ غیر حاضرو وکیلانو دندې وځنډولې


د افغانستان ولسي جرګې د شلو ورځو پرله‌پسې غیر حاضریو له امله د څلورو وکیلانو دندې وځنډولې.

په دغو وکیلانو کې احمد بهزاد، فرشته انوري، پروین درانۍ او بشیر احمد ته‌ینج شامل دي.

د ولسي جرګې رئیس عبدالرؤف ابراهیمي د نن ورځې په عمومي غونډه کې وویل چې دغه وکیلان به له دې وروسته له ټولو امتیازاتو بې‌برخې وې او نه‌شي کولای چې ولسي جرګې ته راشي.

د افغانستان ولسي جرګې تر دې وړاندې ویلي چې د اکثرو وکیلانو د غیر حاضرۍ له امله ډېرې غونډې بې‌نتېجې پای ته رسېږي.

XS
SM
MD
LG