د لاسرسي لېنکونه

ټاکل شوې د ازبکستان ولسمشر سبا روسیې ته ولاړ شي


ټاکل شوې ده د ازبکستان ولسمشر شوکت مير ضايېف سبا روسیې ته ولاړ شي.

د پوتين مطبوعاتي دفتر ويلي چې د دې دوه ورځني سفر پر مهال به ضيايېف د روسيې له ولسمشر ولاديمير پوتين سره هم وګوري.

دا به روسيې ته د ميرضيايېف له سرپرست ولسمشر ټاکل کېدو وروسته لومړی سفر وي.

ميرضيايېف په سپتمبر میاشت کې د پخواني مستبد ولسمشر اسلام کریموف د مړينې د خبر تر اعلان وروسته د ازبکستان سرپرست ولسمشر شو.

پوتين په سپتمبر مياشت کې ازبکستان ته د سفر پر مهال له ميرضيايېف سره وکتل او د کریموف زیارت ته هم ورغلی.

روسي خبري اژانسونو نن راپور ورکړی چې ميرضيايېف هغه قانون لاسليک کړ چې له مخې به یې له روسيې سره د وسلو د پلور او ورته فعالیتونو په ګډون د نظامي تخنیکي همکاریو موافقه رسمي بڼه ومومي.

XS
SM
MD
LG