د دغه سفارت په اعلامیه کې چې نن چهارشنبه (۳۰ غبرګولی) خپره شوه ویل شوي چې، دغه اقدام د لوی هوايي برید د احتمال له امله شوی.
په کییف کې د امریکا سفارت پهدې اعلامیه کې وړاندي ویلي، د هوايي برید د خبرداري په صورت کې يې په دغه ښار کې خپلو کارکوونکو او امریکايي اتباعو ته لارښوونه کړې چې خوندي ځایونو ته ولاړ شي او سفارت به د احتیاط په توګه تړلی وي.
په کیف کې د امریکا سفارت پهدې اړه نور جزیات نهدي ورکړي.
د اسوشیتید پریس د راپور لهمخې دا احتیاطي ګام وروسته له هغه پورته شو چې روسي چارواکو د ولسمشر جوبایډن هغه پرېکړې ته د ځواب ورکولو ژمنه وکړه چې، اوکراین ته اجازه ورکوي څو د متحدایالاتو لهخوا په ورکړل شویو توغندیو د روسیې په خاوره کې اهداف په نښه کړي.
په کیف کې د امریکا سفارت پهدې اړه نور جزیات نهدي ورکړي.
خو ورته وخت کې اوکرایني چارواکو د پلازمېنې کییف په ګډون د دغه هېواد پر بېلابېلو سیمو د روسیې د بېپیلوټه الوتکو د پراخو بریدونو خبرداری ورکړی دی.
د امریکا سفارت دغه پیغام وروسته له هغه څرګند کړ چې د روسیې ولسمشر ولادیمیر پوتین پرون د نومبر په ۱۹مه د اوکراین په وړاندې د روسیې د جګړې په ۱۰۰۰مه ورځ د خپلو اټومي وسلو په اړه بیا کتل شوي دوکتورین لاسلیک کړل.
د روسیې دا تازه شوې اټومي کړنلاره د دې هېواد ځواکونو ته اجازه ورکوي چې، د روسیې پر خاورې د اټومي وسلو لرونکي هېواد په ملاتړ د برید په صورت کې د دې وسلو کارول په نظر کې ونیسي.
اوږد واټن ويشتونکي توغندی
د اوکراین ولسمشر ولادیمیر زیلینسکي د چهارشنبې په ورځ وویل چې هېواد یې د روسیې له زیاتېدونکو بریدونو سره مخامخ دی.
د اسوشیتید پریس خبري اژانس د امریکا د متحدایالتونو د سفارت په حواله ویلي، د سفارت د موقتي بندېدو پرېکړه، پر کییف د روسیې د توغندیو او ډرون بریدونو د دوام په شرایطو کې صادره شوې او دوی تمه لري چې ژر به بېرته په منظمه توګه کار پیل کړي.
لوېدیځ او اوکرایني چارواکي وايي، روسیه د اوږد واټن ویشتونکي ځواکمن توغندي زېرمه کوي، چې احتمالاً د ژمي په را رسېدو سره د اوکراین د برېښنا شبکې د د ورانولو لپاره به یې وکاروي.
د امریکا د جګړې د مطالعاتو انسټیټیوټ پوځي شنونکي وايي، د واشنګټن په اند تمه نهکېږي چې په جګړه کې به د امریکا لهخوا جوړ شوي توغندي د لوبې بدلونکي وي، خو کولی شي د روسیې د جګړې هڅې کمزورې کړي.
په دې اړه نور: امريکا اوکراين ته د ليرواټنه توغنديو د کارونې اجازه ورکړېد روسيې او اوکراین ترمنځ په روانه جګړه کې دا نوې څپه وروسته له هغې راپورته شوه چې پرون د روسیې خبري اژانس "آربيکې" د اوکراین د اردو د یوې سرچینې په حواله راپور ورکړ چې، کییف د لومړي ځل لپاره د روسیې په خاوره کې د برید لپاره اټکمز راکټونه کارولي چې، د اوکراین په جنوب لوېدیځ بریانسک سیمه کې د کراچف ښار سیمې یې په نښه کړي.
پر اوکراین د روسیې یرغل چې د ۲۰۲۲م کال د فبرورۍ په ۲۴مه پیل شوی، پر یوې اوږدې جګړې بدل شوی چې په ترڅ کې یې دواړو لورو ته درانه ځاني او مالي زیانونه اوښتي دي.