د ملګرو ملتونو د بشري مرستو د همغږۍ دفتر اوچا وايي، په افغانستان کې درې کاله پرله پسې وچکالي وه، چې خلک یې خورا اغېزمن کړي دي.
دغې ادارې پرون په خپل ټویټر کې لیکلي چې د ۲۰۲۲م کال وچکالۍ د څښاک اوبو ته د کورنیو اړتیا ۷ فیصده زیاته کړه او د هغو کورنیو شمېر ۱۲ فیصده زیات شو چې له څښاک اوبو یې لاسونه لنډ شوي وو.
دغې ادارې ویلي، ۱۴ میلیونه کسانو ته د پاکو او خوندي اوبو برابرولو لپاره ۴۷۹ میلیون ډالرو ته اړتیا ده.
په افغانستان کې د تېرو کلونو وچکالیو د دغه هېواد کرنه هم زیانمنه کړې او د ناروغیو شمېر یې هم زیات کړی دی.