په ایران کې پرون د سپاه پاسداران د قدس ځواکونو د پخواني قوماندان قاسم سلیماني د څلورم تلین په مناسبت مراسمو کې دوو چاودنو تر سلو زیات کسان ووژل.
د ایران حکومت نن په دغه هېواد کې د دې پېښې له کبله عمومي ماتم اعلان کړی دی.
په کرمان کې په دغو چاودنو کې تر ۲۱۱ زیات نور کسان ټپیان شوي او اټکل کېږي چې د مړو او ټپیانو شمېر زیات شي.
قاسم سلیماني په ۲۰۲۰م کال کې د عراق پلازمېنې بغداد ته نږدې د امریکا د متحدو ایالتونو د بې پېلوټه الوتکې په حمله کې ووژل شو.
د ایران د کورنیو چارو وزیر احمد وحیدي دغه چاودنې یوه توطیه بللې او داسې وخت کېږي چې په منځني ختیځ عمدتاً غزه کې له میاشتو راهیسې کړکېچ روان دی.
زموږ همکار، د سیاسي مسایلو له شنونکي شاه محمود میاخېل څخه د مرکې په پیل کې پوښتنه کړې چې په منځني ختیځ کې وروستیو تحولاتو ته په پام سره په ایران کې دغسې یوه خونړۍ چاودنه څه پیغام ورکوي؟
د دې مرکې د اورېدو لپاره لاندې لېنک کېکاږلی شئ:
