مثلث: د طالبانو او اسلام اباد دوستي په کوم لور روانه ده؟

پاکستان یوځل بیا په کابل کې واکمن طالبان تورن کړې دي چې د پاکستان په امنیتي ځواکونو باندې برید کوونکو ته پناه ورکوي. طالبانو هم یو ځل بیا دا تور رد کړی دی. بل لور ته پاکستان د پښتون ژغورنې د غورځنګ مشر منظور احمد پشتین زنداني کړی دی او د دې ډلې په یوشمیر مشرانو یې تور پورې کړی دی چې د افغانستان ګټې د پاکستان تر ګټو دوی ته مهمې دي.