راسره ملګري شئ
د ۲۰۲۶ کال د اکتوبر پر ۱۵مه د پېښور په دیر کالونۍ کې د الخیر په نوم د یوه خصوصي ښوونځي د ودانۍ چت ونړېد. په پېښه کې ۳۴ زده کوونکي او یو ښوونکی ووژل شول او ګڼ نور ماشومان ټپیان شول.
د پاکستان د بلوچستان ایالت د کوېټې ښار په شیخ زاید روغتون کې د تېرو څه باندې پنځو کلونو پر مهال له زرو زیات ماشومان د سرطان د بېلابېلو ډولونو له امله ثبت شوي چې په هغوی کې افغان ماشومان هم شامل دي.
د پاکستان او ایران ترمنځ د بلوچستان ایالت د تفتان او ګبد ـ رېمدان پر سرحدي لارو د سوداګرۍ د ځنډ له امله زرګونه باروړونکي موټر بند پاتې دي او سوداګر وايي، د میلیاردونو روپیو په ارزښت توکو او پانګې ته یې لاسرسی اغېزمن شوی دی.
په افغانستان کې د تریاکو تولید چې له ډېرې مودې راهیسې په نړۍ کې په لوړه کچه وه، په ۲۰۲۲ کال کې د طالبانو له خوا پر نشه یي توکو د بندیزونو له لګولو وروسته په چټکۍ سره کم شوی دی. خو طالبان ونه توانیدل چې د کوکنارو کرکېله په بشپړه توګه له منځه یوسي.
د پاکستان د بلوچستان ایالت په چمن سیمه کې له یوه ۶۰ کلن سړي سره د درې کلنې ماشومې د نکاح قضیې د کمعمرۍ ودونو د مخنیوي او د ماشومانو د خوندیتوب په اړه اندېښنې راپورته کړې دي.
د پاکستان پوځ وايي، د بلوچستان ایالت په ګوادر ولسوالۍ کې یې د یوې ښځې په ګډون لس وسلهوال وژلي او د بریدونو پر مهال یو ملکي وګړی هم وژل شوی دی.
په افغانستان کې لا هم میلیونونه نجونې له زده کړو بې برخې دي، خو د پاکستان په پښتني سیمو کې ځینې پلرونه او مدني فعالان د نجونو د تعلیم لپاره هڅې کوي. دوی وايي، بېوزلي، دودونه او د ښوونځیو او لوړو زده کړو د اسانتیاوو کمښت لا هم د نجونو پر وړاندې خنډونه دي.
د طالبانو او پاکستاني ځواکونو ترمنځ سرحدي نښتو ډیورنډ کرښې ته د څېرمه سیمو د اوسېدونکو ژوند له خطرونو او ستونزو سره مخ کړی دی. د ځینو کورنیو غړي وژل شوي او دوکانداران او سوداګر هم له مالي زیانونو او د عوایدو له کمښت شکایت کوي.
د پاکستان د بلوچستان ایالت په خضدار سیمه کې نامعلومو وسلهوالو د مرمرو پر یوې فابریکې برید کړی او د یوه سیمهییز قومي مشر د زوی او ۱۷ کارګرانو په ګډون یې ۱۸ کسان تښتولي دي.
تښتول شوي سرتېري د بلوچستان په قلات کې تر روزنې لاندې وو او د پولیسو د معلوماتو له مخې، دغه سرتېري د جمعې پر ورځ (د اکتوبر ۱۶مه)، له روزنیز مرکزه د اوونۍ په رخصتۍ خپلو کورونو ته روان وو چې وسلهوالو یې د سپرلۍ موټر درولی او دوی یې له ځان سره بیولي دي.
د اپوزیسیون د اتحاد مشرانو هم په پېښور کې د دې پرېکړې پر ضد خپل دریځ څرګند کړ، خو وفاقي حکومت وایي، خراب امنیتي وضعیت دا ګام اړین کړی و. یو قانونپوه وایي، محکمه کولای شي د حکومت د توجیهاتو سموالی وارزوي.
د خیبر پښتونخوا په مرکز پېښور کې د یوه خصوصي ښوونځي د چت نړېدلو په پېښه کې د مړو شویو کسانو شمېر ۳۴ ته لوړ شوی دی. په پېښه کې د ۲۳ کسانو د ټپي کېدلو راپور هم ورکړل شوی دی. د راپورونو له مخې، د مړو شمېر وروسته له هغه زیات شو چې د پېښې یو شمېر ټپیانو په روغتون کې ساه ورکړه.
نور راوښيه