د لاسرسۍ وړ لېنکونه

تازه خبر
دوشنبه ۶ چنګاښ ۱۴۰۱ کابل ۰۷:۴۰

د امريکا د استازو جرګې غړی: امريکا بېرته افغانستان ته د ور ستنېدو لېوالتيا نه‌لري


د امریکا د استازو جرګې د بهرنیو اړیکو د کمېټې رييس ګریګوري میکس ویلي چې باید د افغانستان په اړه کار وکړي.

د امریکا د استازو جرګې د بهرنیو اړیکو کمېټې رييس وايي، د افغانستان په اړه له خپلو متحدانو سره کار کوي.

ګریګوري میکس، چې د دیموکرات ګوند غړی دی، دا خبره پرون (چهارشنبې) د ازادې اروپا/ ازادي راډیو د خبر له مرکز سره په مرکه کې وکړه.

د کانګریس یوه بل غړي ازادي راډیو ته وویل چې د داسې وضعیت، چې اوس افغانستان ورسره مخامخ دی، پلوی نه و.

د امریکا د استازو جرګې د بهرنیو اړیکو د کمېټې رييس ګریګوري میکس ویلي چې باید د افغانستان په اړه کار وکړي.

ده د ازادې اروپا / ازادي راډیو د خبر له مرکزي څانګې سره په مرکه کې د دې پوښتنې په ځواب کې چې که طالبان د دوحې موافقې ته درناوی ونه کړي، امریکا څه کولی شي؟ وویل: ؛دلته زموږ له متحدانو سره کار کول ډېر مهم دي او یوازې د امریکا موضوع نه ده. نو موږ خبرې کوو او له پاکستانیانو، قطریانو او ازبکستانیانو سره خبرو ته دوام ورکوو. دا ټول هXوادونه زموږ په شان ګټې لري او هڅه کوي د هغه څه په اړه ډاډ ترلاسه شي چې په افغانستان کې پېښېږي، د پام وړ تفاوت شته."

د امریکا د استازو جرګې د بهرنیو اړیکو د کمېټې جمهوریپال غړي مایکل مک کاول وویل، دوی د داسې وضعیت چې افغانستان اوس ورسره مخامخ دی، پلوي نه ول.
د امریکا د استازو جرګې د بهرنیو اړیکو د کمېټې جمهوریپال غړي مایکل مک کاول وویل، دوی د داسې وضعیت چې افغانستان اوس ورسره مخامخ دی، پلوي نه ول.

د امریکا او طالبانو ترمنځ د دوحې موافقه له اتلس میاشتې خبرو وروسته د ۲۰۲۰ د فبرورۍ په ۲۹ نېټه لاسلیک شوه.

دې موافقې هماغه مهال له یوې خوا د افغانستان د اوږدې جګړې د پای ته رسېدو لپاره هیلې وغوړولې خو له بلې خوا یې جدي اندېښنې وزېږولې.

تېر کال له افغانستانه د امریکايي پوځیانو له وتلو او د اګست په ۱۵ د طالبانو لاس ته د کابل له ورتلو وروسته ميلیونونه افغان نجونې له زده کړو بې برخې شوې، د اکثرو دولتي ادارو دروازې د ښځینه کارکوونکو پرمخ بندې شوې او لکونه افغانان د خپل هېواد پرېښودو ته اړ شول.

د امریکا د استازو جرګې د بهرنیو اړیکو د کمېټې جمهوریپال غړي مایکل مک کاول وویل، دوی د داسې وضعیت چې افغانستان اوس ورسره مخامخ دی، پلوي نه ول.

د امریکا د کانګرس غړی: افغانستان ته د ستنېدو لېوالتيا نه شته
هيله ده انتظار وکړئ

No media source currently available

0:00 0:01:15 0:00

ده پرون (چهارشنبه/ د مې ۲۵ مه) د ازادې اروپا/ ازادي راډیو د خبر له مرکزي څانګې سره په مرکه کې وویل: "په دواړو ګوندونو( جمهوري غوښتونکو او دیموکراتانو) کې ډېر خلک ( له افغانستانه) د وتلو پلویان وو، خو نه له قید او شرطه پرته طالبانو ته د یوې تسلیمۍ په څېر. اصلي ستونزه ( له افغانستانه) د وتلو څرنګوالی و. امریکایان شاته پرېښودل شول، زموږ افغان همکاران په میدان پریښودل شول چې وروسته طالبانو ووژل. نجونې چې هیڅکله یې تر داسې سختو شرایطو لاندې ژوند نه و کړی، اوس په همداسې شرایطو کې ژوند کوي. د افغانستان نیمایي وګړي په نیستۍ کې ژوند کوي او خلک له شدیدې لوږې سره مخامخ دي. زه شخصا فکر کوم چې د بګرام د هوایي اډې او په افغانستان کې د یو شمېر سرتېرو ساتل مناسب کار وو، د ثبات د ساتنې لپاره زموږ د ۲۵۰۰ سرتېرو او د ناټو د ۶۵۰۰ سرتېرو ساتلو کم لګښت غوښت."

ده په عین حال کې وویل چې فکر نه کوي چې امریکا دې لېواله وي چې بیا دې افغانستان ته وګرځي.

XS
SM
MD
LG