د لاسرسۍ وړ لېنکونه

تازه خبر
شنبه ۱۱ چنګاښ ۱۴۰۱ کابل ۰۱:۰۹

ريچارد بينيت: د ملکيانو د وژنې مسؤلين بايد عدالت ته را کاږل شي


مزار شريف کې پر مسجد د چاودنې له امله يو ژوبل شوی ملکي وګړی

د افغانستان د بشري حقونو په اړه د ملګرو ملتونو ځانګړي راپور ورکونکي له مزار شریف څخه د کتنې په ترڅ کې له هغه جومات څخه کتنه ترسره کړه چې تېره میاشت پکې خونړۍ حمله شوې وه.

هغه ویلي چې د ملکي وګړو د وژنې مسولیت باید عدالت ته را کاږل شي.

د طالبانو د سیمه ییزو چارواکو په خبره په دې جومات کې د ثور په لومړۍ نېټه په برید کې له شلو زیات کسان ووژل شول.

پرون یکشنبې د مزار شریف په سه دوکان جومات د خونړۍ حملې یوه میاشت پوره شوه.

د شیعه ګانو پر دې جومات په برید کې چې مسولیت یې د اسلامي دولت ډلې د خراسان څانګې اخیستی، لږ تر لږه ۲۶ تنه مړه او یو شمېر نور ټپیان شوي و.

اکثره قربانیان شیعه عبادت کونکي و.

مزار شريف کې هغه مسجد چې تېره مياشت بريدونه پکې شوي و
مزار شريف کې هغه مسجد چې تېره مياشت بريدونه پکې شوي و

د افغانستان د بشري حقونو په اړه د ملګرو ملتونو ځانګړي راپور ورکونکي ریچارد بینیت به یوه ټویټ کې ویلي چې د یکشنبې په ورځ یې له دې جومات څخه کتنه ترسره کړه او زیاته یې کړه، د ملکي وګړو پر وړاندې د تاوتریخوالي د پېښې له ځایه لیدنه ورته ډېره خواشینونکې وه.

ښاغلي بینیت ویلي چې د دې پېښې د قربانیانو له کورنیو سره یې له نژدې لیدلي او خپله ژوره خواخوږي یې ورته څرګنده کړې ده.

د افغانستان د بشري حقونو په اړه د ملګروملتونو ځانګړي راپور ورکونکي ریچارد بینیت
د افغانستان د بشري حقونو په اړه د ملګروملتونو ځانګړي راپور ورکونکي ریچارد بینیت

د ملګرو ملتونو د بشري حقونو ځانګړې راپور ورکونکي دغه راز ویلي چې پر ملکي وګړو حملې باید بندې شي او هغوی چې د دا ډول حملو مسول دي باید عدالت ته را کاږل شي.

د روان کال په روژې میاشت کې په افغانستان کې څو خونړي بریدونه وشول چې خانقاوې او هغه جوماتونه پکې په نښه شوي وچې اکثره عبادت کونکي یې شیعه ګان و.

د کابل، مزارشریف او کندوز بریدونو ډېر تلفات اړولي و.

د طالبانو د حکومت چارواکو په کراتو کراتو دا خبره کړې چې د اسلامي دولت ډله یا داعش یې ځپلې او د افغانستان له خاورې به د هیچ چا پر ضد کار وانه‌خیستل شي خو د امریکا دفاع وزارت د تېرې سې شنبې په ورځ په افغانستان کې د داعش او د القاعده شبکې د فعالیتونو په اړه اندېښنه څرګنده کړه.

دفاع وزارت ویلي چې، که د اسلامي دولت ډلې د خراسان څانګه له اوسنیو شرایطو د ځان لپاره ګټه پورته کړي، دا ډله به د اتو او دولسو میاشتو ترمنځ د بهرنیو عملیاتو د ترسره کولو وړتیا ولري.

XS
SM
MD
LG