د لاسرسۍ وړ لېنکونه

تازه خبر
جمعه ۳۰ غویی ۱۴۰۱ کابل ۰۱:۴۴

په غزني کې سانګې وهونکي د مرستې غوښتنه کوي


غزني کې یو سانګې وهونکی د لوبې پرمهال

په غزني کې د دغه ولایت د مرکز او درېیو ولسوالیو د سانګې وهونکو ترمنځ د یوې ورځې سیالي ترسره شوه چې لسګونه تنو سانګه وهونکو او سلګونه تنه نندارچیانو په کې ګډون کړی وو.

د غزني په قره باغ ولسوالۍ کې د کابل ـ کندهار لویې لارې ته څېرمه، په کرو سای سیمه کې په خاورو او دوړو کې په سوونو کسان ولاړ دي.

د آسونو د پښو خاورې یې پر مخونو پرتې او لا هم ور دوړېږي.

خلک د سانګې وهلو ننداره ته راغلي دي.

د جعمې په ورځ په دغه ځای کې د غزني مرکز، مقر، اندړو او قره باغ ولسوالیو لسګونه تنه سپاره راټول شوي وو او سانګه یې وهله چې له لرې لرې سیمو څخه راغلو ننداچیانو یې ننداره کوله.

د قره باغ ولسوالۍ میرخان کلي ملنګ له دغه سانګې وهونکو څخه یو دی.

نوموړی وايي، دغه یوه دوستانه سیالي وه چې لسګونه تنه سانګه وهونکو په کې ګډون کړی وو.

نوموړی وايي: "اوس چې په دغه ځای کې جګړې پای ته رسېدلي نو تمه لري چې دغه لوبې به دوام ومومي."

د دغه لوبې مخینه سوونو پېړیو ته رسېږي.
د دغه لوبې مخینه سوونو پېړیو ته رسېږي.

دا په داسې حال کې ده، چې ډېری کسان په افغانستان په ځانګړې توګه غزني کې د سانګې لوبه یوه پخوانۍ او تاریخي لوبه یادوي.

دوی وايي، د دغه لوبې مخینه سوونو پېړیو ته رسېږي.

د اندړو ولسوالۍ اوسېدونکی محمد انور شیلګر وال وايي: "د کورنیو لوبو په ځانګړې توګه د سانګې وهنې د غوړېدا لپاره دي کار وشي."

د دغه لوبې لوبغاړي شکایت کوي، چې په تېرو شلو کالو کې سانګو ته هېڅ پاملرنه نه ده شوې.

دغه لوبغاړي غوښتنه لري، چې معیاري میدانونه او د سانګې وهنې طرزالعمل دې جوړ شي څو دغه لوبه نوره هم وغوړېږي.

د دوی په باور په افغانستان کې خپلو کورنیو لوبو ته نه، بلکې پردیو او له نورو هېوادونو راغلو لوبو ته کار کېږي.

زېړګل د قره باغ ولسوالۍ اوسېدونکی دی.

د دغه لوبې لوبغاړي شکایت کوي چې په تېرو شلو کالو کې سانګو ته هېڅ پاملرنه نه ده شوې.
د دغه لوبې لوبغاړي شکایت کوي چې په تېرو شلو کالو کې سانګو ته هېڅ پاملرنه نه ده شوې.

نوموړی وايي: "وړاندې مو هم د اسونو د ساتنې او روزنې، د هغوی د غذا، تر یوې اندازې د معیاري میدانونو او د داسې نورې همکارۍ غوښتنه کړې ده، خو چا مو غږ نه وو اورېدلی."

دغه سانګې وهونکي په دې باور دي چې په دغه سیمه کې د پخوا په پرتله د سانګې سپاره او سانګې وهونکي زیات شوي دي.

شاوخوا شپېته کلن عبدالاحد د اندړو ولسوالۍ له غوټانو کلي څخه دغه سانګو ته راغلی دی.

نوموړی وايي: "پخوا به یوه ولسوالۍ کې پنځل شل اسونه وو، اوس د دغه اسونو شمېر تر سلو پورې رسېږي."

د سانګو دغه نندارې ته د غزني او میدان وردګو ولایتونو د والیانو ترڅنګ له کابل څخه د اولمپیک کمېټې ځینې چارواکي هم راغلي وو.

د افغانستان د اولمپيک د ملي کمېټې، د بدني روزنې لوی ریاست د دفتر رييس محمد الله احساس په دغه ځای کې ازادۍ راډیو ته وویل، د دغه ورزش کارانو غوښتنه پر ځای ده.

نوموړی وايي: "موږ په تېرو دوو میاشتو کې په ټول افغانستان کې د څلور پنځوس فدارسیونونو دوه څلوېشت لوبې، رونیز سیمینارونه او نندارتونونه درلودل، نو هڅه کوو چې د سانګو وهونکو ستونزې هوارې کړو."

نوموړی وايي: "تر څومره چې اولمپیک ملي کمېټې او د بدني روزنې ریاست سره اسانتیاوې او امکانات وي، هغه یې د ټولو ورزش کارانو په اختیار کې ورکړي دي."

غزني د افغانستان له هغه ولایتونو څخه یو دی چې دلته په کې له سوونو کلونو څخه سانګې وهل رواج لري خو د سانګې د اسونو د مستولو او خلکو د خوشحالولو په موخه د سانګو پر وخت غبرګ ډوله وهل کېدل.

XS
SM
MD
LG